البطارية: اشحن بشاحن اصلي من سامسونج الي جاي في العلبة
متشحنش البطارية لحد 100% والافضل تخليه يوقف لحد 80% وده هتلاقيها في الاعدادات الخاصة بالبطارية
متخليش الجهاز يخلص لحد 5% ديما اشحنه لما يفضي بحد اقصي 20% وهنا مقصدش انك تشحنه من اول 20% بس لا ممكن تشحنه من 40% عادي او 30% براحتك بس متخليش الرقم ينزل عن 20%
ديما ابعد التليفون لو هو علي الشحن عن المخدات وحطه في مكان فيه تهويه لان الحرارة الزيادة بتاثر علي عمر البطارية خصوصا في الصيف
استهلاك الرام بيبقي علي حسب استخدامك لو مش مكفياك يبقي انت محتاج تجيب جهاز جديد برام اعلي ومفيش حاجة اسمها تحافظ علي استهلاكها لانها مش بإيدك نصايح برده انك متخليش في تطبيقات شغالة في الخلفية كتير واقفل الي مش محتاجه
كمان عايز اضيف انك تقلل من الاشعارات الي بتظهرلك يعني لو في اشعارات بتطلعلك ومش فارقة معاك اصلا خلاص اقفلها لانها بتستهلك من البطراية برده بس بنسبة قليلة
