قيل في حل أزمة التحديث من حد بيرد على اخ بيسأل "تحديث 12 هينزل إمتى يا جماعة" .. فكان الرد الوحيد عليه كالآتي >> بقولك يا صاحبي التحديث يا إما ينزل السنادي أو ممكن ما ينزلش فريح دماغك يا صاحبي مش كل شويه حد يسأل .. 🤔 اللذيذ إنه بيرد وكأنه عضو منتدب في سامسونج مصر
الأخ دا فكرني بموقف طريف ..
حدانا في البلد اتسرجت مواشي الواد عوضين من الزريبة وجامت الدنيا وما جعدتش وچانا حضرة العمدة عند الزريبة عشان يعاين وكوبارات البلد معاه وكل البلد عمالين يتكلموا ويتشاوروا في مين اللي سرج المواشي
وبعد مچادلات وهري وكلام كتير ملوش أي عازة.. حضرة العمدة خد كوبارات البلد وجعدوا في الموندرة البحرية وتعالت الأصوات في مين يا ترى يتچرأ ويسرج بهايم الواد عوضين وفچأةً چانا صوت عالي جوي سكت الأصوات دي كلاتها وكل اللي في الموندرة سكت عشان يسمعوه وإذا به يجول
يا ولاد .. يا ولاد .. اسمعوني .. أنا عرفت
مين اللي سرج مواشي عوضين ؛؛ كل الناس اللي في الموندرة بصوت واحد مين يا سرحان .. جال لهم
" اللي سرج المواشي ده يا من البلد يا من برا البلد"
العمدة سخن وجال يا سلام چيبت التايه يا ابن التايهة جوموا عليه يا رچالة رچعوله دماغة اللي هربت منه
وبعدها .. عنيكوا ما تشوف إلا النور 😄😄😄🤣
.......
فالاخ بيقول التحديث ممكن ينزل السنادي أو ممكن ما ينزلش .. شكله محتاج قرار من حضرة العمده 😄🤣
فى البدايه بعتذر لحضرتك جدا عن المشكله اللى بتواجه
بناءا علي استفسارك بالنسبة لتاخير تحديث السوفت وير
يمكن تغيير جدول التحديث والنماذج المؤهلة إذا واجهتنا أية مشاكل من خلال المراجعة المستمرة. قد يتم إيقاف التحديث لفترة من الوقت حتى بعد التحديث الرسمي ، عند حدوث إصلاح لحالات الطوارئ. تاكد ان شركة سامسونج تعمل دايما علي تحسين و تطوير كفاءة الجهاز و دة اللي بيتم تحديثة في السوفت وير
نستاذنك بتفعيل التحديث التلقائي و سوف يتم التحديث فور صدور اي تحديث لة
