هو لو لاحظت بطئ في سرعة التليفون والبرامج الحل ضبط المصنع والا ايه

[eslamhatem]

.

[Abomustafa]

نوع الهاتف لو سمحت

[eslamhatem]

m30s والبروسيسور exynos 9611

[Abomustafa]

اول حاجة اعمل اعادة تشغيل للهاتف بحيث لو فى برامج مفتوحة فى الخلفية مؤثرة فى سرعة المعالج والرام تكون اتقفلت ولو مش عاملة نتيجة استعادة ضبط المصنع

[eslamhatem]

انا ملاحظ بقالي يومين بابج بالذات تقيلة وبتعلق اوي ومقلل الجرافيك وكل حاجة وحتي الفيسبوك فيه تعليق كدة وانا بستخدمه

[eslamhatem]

هي الرام كدة تمام والا المفروض مساحتها تبقي اعلي

[Abomustafa]

افتح الضبط ثم العناية بالجهاز الذاكرة امسح التطبيقات المفتوحة وبعدين جرب لو مكنش اعادة ضبط المصنع وان شاء الله خير

[eslamhatem]

شكرا ليك

[Samah-Ahmed]

 مساء الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

وبنعتذر لحضرتك عن المشكله اللى بتواجه حضرتك ونتمى حلها فى أسرع وقت ممكن

 بناء على سؤالك

أستأذن حضرتك فى اتباع الخطوات الاتيه :

التأكد من عدم وجود مشكله فى الشاحن أو البطاريه أو الشاشه

التأكد من عدم الغاء صلاحيات الجهاز من خلال الضبط

اغلاق التطبيقات الموجوده فى الخلفيه

التأكد من وجود مساحه كافيه

التأكد من تحديث الجهاز على أخر نسخه

اذا استمرت المشكله بعد عمل الخطوات الأتيه أستأذن حضرتك فى عمل ضبط مصنع من خلال الخطوات الأتيه: 

- الضبط 

-الاداره العامه 

- اعاده الضبط 

-اعاده تعييين بيانات المصنع 

-اعاده الضبط 

-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك