اللى هيقول حريه شخصيه هقوله حريه فى صفحتك مكونش مضطر انى اقراء سخفاتك اللى عمال تقرفنا بيها . هى ليه الناس بقت تتعامل هنا على انه فيس بوك . يعنى ادخل علشان اعرف معلومه مهمه او حاجه . الاقى صباح العنب صباح البطيخ صباح المانجه ومنشورات متاخده من الفيس بوك قديمه وعاملين دمهم خفيف و هى ملهاش اى ٦٠ لازمه . هو فى ايه ياجماعه واكتشفت ان فى اشخاص كتير كاتبين ومنزعجين من كدا يعنى مش لوحدى . هو مش فى فيس وبرامج للكلام ده .
و الناس دول نفس اللى محدش بيعملهم لايك ولا كومنت على الفيس ولا هنا برضه .😂😃😂 . لاء كدا كتير ياجماعه والله
وفى الاخر علشان تلاقى معلومه او افاده تعد تدور ساعه . 🤦🤷
للأسف كلامك صح، النسخ الأجنبية من البرنامج، الناس كلها هناك بتتعامل صح، البرنامج معمول لمساعدة بعض و التبليغ عن الأعطال و المشاكل
النسخ العربية و خصوصا المصرية، بتلاقى فيها العجب، كيفية عمل المكرونة، و فلان حبيب جدو، و شوية صور أحزان على أوجاع، و طبعا لا ننسى ردود طنط أميرة و طنط سارة على أى مشكلة بالتوجهة إلى أقرب مركز صيانة أو إعادة ضبط المصنع
انا شاكك ان اميره وساره دول رساله مسجله وضيف عليهم الاخت سماح . مفيش اى استفاده منهم وكل ردهم غلط تمامآ عن السؤال حاجه قمة الفضيحه خصوصآ ان مفيش ابلاغات ولا حظر لمنشورات الشركه سيبانه نخبط فى بعض
أنا مشفتش أبلة سماح قبل كده، هو عيب من التوكيل المصرى فعلا، يعنى مسأله تأخر التحديثات دى مشكلة موجودة فى كذا دولة و دى مشكلة من الشركة الأم، بتهتم بدول عن دول و الدليل على كده انه أغلب الدول العربية بينزل لها التحديثات فى الآخر
بس حته الدعم الفنى، فعلا فى الضياع و دى مسؤولية الوكيل فى مصر
والله الواحد تعب من كتر ما بيصيح بالمشكلة دي، ياخي سبحان الله، الكائن المصري طالما حط ايده في حاجة بيخليها ملهاش قيمه 🙄 انا لما بشوف النسخ الاجنبية من نفس التطبيق ونوعية المشاكل المطروحة وحتى خبرة ال users العاديين في حل المشاكل، بحس ان النسخ العربية عموما من التطبيق دة متصرفش على تطويرها ٣ جنيه !! حتى ال moderators هناك بيتعاملوا بخبرة واضحة في الرد، هنا جايبين سماح تنسخ شوية نصوص وتلزقها في كل وأي رد !! مفيش احترام لعقلية البني آدم اللي بيسأل. انا لو فضلت اتكلم عن سلبيات سامسونج مصر مش هيكفيني حتى كتاب، المشكلة ان سامسونج مصر بتسيئ بسمعة سامسونج عموما
