mhmdmrsy
Active Level 7
سامسونج اتريقت على النوتش بتاع أبل لما نزلته في أكتر من تليفون زي iphone x مثلا وبعد كده هي عملت نوتش مش كبير زي بتاع أبل ولكن هو نوتش جواه الكاميرا وشكلت بقى حرف U في ال m31 مثلا و حرف V في ال m10 مثلا وبعد كده اتريقت لما ابل نزلت التليفون من غير شاحن ولا سماعة وإللي هو iphone 12 وراحت هي كمان منزله التليفون s21 وعائلته من غير سماعة ولا شاحن حيث أنه بات إتجاهي عالمي لتقليل التكلفة والحفاظ على البيئة طيب نركز شوية بقى قبل ما نتريق على حد ونعمل زيه ونقلده عشان بيبقى شكلنا وحششششششششششش 🤭
10 التعليقات
RamyELGammal
Expert Level 4
😀😀
رد
جارٍ التحميل...
KINGMOUNIR
Active Level 6
كلها سياسات 😂😂😂😂😂
رد
جارٍ التحميل...
سياسات هابطة
رد
جارٍ التحميل...
هانعمل ايه بس ما نحن الا مجرد مستخدمين وخلاص
رد
جارٍ التحميل...
علي سيرة إحنا مستخدمين وخلاص هل إحنا كمستخدمين بناخد الموبايلات كهدايا ولا بنشتريها بفلوس فلما حضرتك تشتري موبايل جديد طبعا مفيهوش شاحن ولا سماعات هتقول طب وأنا ليه اشحنه بشاحن قديم جايز يعمل فيه حاجة وطبعا مش هتحط سماعات قديمة عشان الشكل العام والمنظر ميبقاش قرف فتشتري سماعات جديدة ده يعني لو مطقش في دماغ حضرتك وقلت أجيب شاحن لاسلكي بدل السلوك والقرف وأهه كمان اشحن بيه الساعة ده لو عندك سمارت ووتش وبالمرة تروح جايب آير بود لزوم الشياكة وأهه تتشحن بالشاحن اللاسلكي هي كمان
فأنا شايف إن سامسونج وأبل والبقية تأتي بيسوقوا للشواحن اللاسلكية والآير بودات عشان تتباع بكثافة أكتر م السنين إللي فاتت دي حاجة الحاجة التانية بيحاولوا يكسبوا اكتر م بيكسبوا ببيع الهواتف لوحدها والشواحن والسماعات لوحدها بدل ما تبقى متحملة تكلفة الحاجات دي على الهاتف وإللي المفروض أصلا بتبقى مضافة على سعر الهاتف لا يضحك عليك ويقول لك أنا رخصت تمن الهاتف شوية بس هات السماعات والشواحن إنت بقى من دقنه وإفتله يعني
وبكره تحصل حاجة جديدة عشان يسوقوا للسمارت ووتشز بتاعتهم اكتر واكتر
سياسة جر رجل الزبون وإحنا زي الشطار بنروح ونشتري والمشكلة لما بتتعود تمسك موبايل من شركة ما صعب تروح لشركة تانية خاصة لو إنت أصل مقتنع بالشركة إللي بتستخدم تليفوناتها زي ما انا مبحبش أغير سامسونج كده بس بصراحة كده كتير
رد
جارٍ التحميل...
انا معاك فى كل كلمة واحترم رأيك طبعا بس احب اقولك رأيى الشخصى الامر مش متوقف على شركة واحده فيه منافسين كتير وكفاءات كويسه فى جميع الهواتف بس عيبنا الوحيد انت قولته لما بنتبت فى حاجة صعب نغيرها بس كل شخص ليه الحرية فى الاختيار طبعا وفيه بدائل يعنى عندك انا لما فكرت اشترى فون اشتريت فون اصدار ٢٠١٩ مع ان سعره غالى وفيه موبيلات اعلى منه فى المواصفات وبسعر اقل فأنا كمستخدم بشتري الحاجة اللى مرتاح لها مش اللى متماشى مع النظام والجو دا فهمت وجهة نظرى
رد
جارٍ التحميل...
والله فاهمك بس إللي بيحصل ده اتجاه عام وحتى لو فكرت تغير مش هيبقى فارق كتير والمشكلة إن الواحد لما بيرتاح في إستخدام حاجة بيبقى صعب يفرط فيها رغم أي ضغوطات أو إغراءات من شركات تانية بتقدم تليفونات بمميزات خطيرة وبسعر قليل
الحل إننا نبطل نمسك تليفونات ونمشي بتليفون البيت 😂
رد
جارٍ التحميل...
الله يرحمها نوكيا بقى كانت هى نمبر ١ فى موبيلاتها
رد
جارٍ التحميل...
عندك حق أيام ٣٣١٠ إللي كنت تضربه في الحيطة يردلك تاني 😂
نوكيا عملت تليفونات كتير حلوة وكانت ممتازة وكان نظام السيمبيان بتاعها مميزها لكن لمل دخلت على الويندوز وبعد كده دخلت على الأندرويد متأخر وقعت بس هي بتقدم موبايلات حلوة نوعا ما حاليا
رد
جارٍ التحميل...