من يوم ما جبته وتطبيق Sumsung Health مش شغال معايا كلمت خدمة عملاء سامسونج قالو اعملي إعادة ضبط مفيش فايدة قالو روحي التوكيل دي مشكلة software روحت فعلا بدل المرة اتنين التوكيل اللي في المنصورة قالولي دي مشكلة software وهو منزلوش software هو في حاجة اسمها كده بس انا حقيقي ندمانة اني جبت سامسونج أول وآخر مرة اجيب الماركة دي حد عنده حل؟؟؟؟
امسحيه وثبتيه من جديد ، او امسحيه ثم اعادة ضبط مصنع وان لم يفلح ذلك يبقى سوفت وير ويتعمل فى الضمان مجانى اما لو كان الفون لسه جديد (خلال ١٤ يوم ) يبقى رجعيه او استبدليه . هو السوفت وير دى حاجة بسيطة لكن مش طبيعى ان الجهاز يبقى جديد ويحتاج سوفت وير .
دى مشكله فى التطبيق نفسه مش الهاتف. الاستبدال / الارجاع بيكون خلال ١٤ يوم من تاريخ الشراء وبيكون من مكان الشراء ولازم يكون فيه فاتورة ضريبة تثبت ذلك. وبيكون الارجاع خلال ٣٠ يوم شرط وجود عيب صناعة ودا بيتم من خلال فحص الهاتف فى التوكيل والحصول على شهادة بذلك. اما بعد ٣٠ يوم وخلال سنة من تاريخ الشراء اذا ظهر عيب صناعة فبيكون اصلاح فى التوكيل مجانى واذا تكررت نفس المشكلة اكتر من مرتين خلال السنة يتم استبدال الهاتف باخر جديد مع دفع فرق الاستهلاك ان وجد
صباح الخير يا فندم مع حضرتك اميرة من سامسونج مصر بنشكرك جدا علي طرح سؤالك ونتمنى لحضرتك يوم سعيد فى البدايه بعتذر لحضرتك جدا عن المشكله اللى بتواجه بناء على سؤالك
الضبط ← التطبيقات ← مدير التطبيقات← "اسم التطبيق" ← ايقاف اجباري + مسح البيانات + مسح التخزين المؤقت
ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
