ممكن حل لتوفير البطاريه

[osama55]

A50

[Artist8]

إيه مشكلتك ؟
إقفل ال WiFi و البلوتوث لو مش بتستخدمهم ، و متشغلهمش إلا فى فترة الإستخدام بس
إقفل إختيار البحث عن الأجهزة القريبة لأنه " بياكل " البطارية
خلى الموبايل هو إلى يختار درجة السطوع المناسبة، إلغى السطوع التلقائي، و قلل الإضاءة على الآخر و روح مكان ضلمة و شغل السطوع التلقائي تانى عشان الجهاز يختار الإضاءة المناسبة بعد كده
اللعب لفترات طويلة طبيعى هيستهلك بطارية كتير خصوصا لو اللعبة محتاجة نت و متطلبة للمعالج
لاحظ كمان إن لما درجة حرارة الجهاز تزيد إستهلاك البطارية هيبقى أسرع

[Artist8]

لو مازالت المشكلة موجودة ممكن يكون عندك تطبيق مش كويس بيستهلك بطارية كتير

[Samah-Ahmed]

مساء الخير يا فندم مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك

بناءا على سؤالك من الموضح أن حضرتك بتستفسر عن الحفاظ على البطاريه

أستأذن حضرتك فى اتباع الخطوات دى :

1.قم بتعديل درجة سطوع الشاشه

2-كل ما كانت الشبكه ضعيفه كل ما كان التليفون بيبذل جهد وبيقوى الشبكه فبالتالى بيسحب من البطاريه 

3-قم باغلاق التطبيقات المفتوحه 

4-قم بالتأكد من عدم وجود أى مشكله فى البطاريه الخاصه بالجهاز أو زر التشغيل 

6-استخدام الشاحن الاصلى بالجهاز 

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك