أول ما شبكات المحمول تبقى جاهزه لدعم الموديل ده.. حتلاقي شركة سامسونج بعتت للموديل تحديث إظهار إختيار تفعيلها في الضبط على طول، وتوقعي دعم شبكات المحمول للموديل ده تحديداً حيكون في خلال شهر أبريل الحالي أو مايو بالكتير 😊.
الموضوع من أوله لآخره مرتبط بشبكات المحمول وبأمرها وخصوصاً لهواتف سامسونج، كل هواتف سامسونج أصلاً داعمه للتقنيه دي من زمان لكن الأمر كان متوقف الأول على دعم وتشغيل التقنيه دي في شبكات المحمول داخل مصر.. وبعدها شركة سامسونج تبعت تحديثاتها لإظهار الإختيار الخاص بيها في الهواتف بأمر وطلب شبكات المحمول وعشان شركة سامسونج الوحيده تقريباً اللي عندها الإختيار الخاص بالتقنيه دي مخفي في السوفت وير الخاص بيها لكل دولة، فابتظهروا فقط لما الدوله دي وشبكات المحمول الموجوده فيها تعلن عن دعم وتشغيل التقنيه ولما شبكات المحمول تطلب منها إرسال تحديث وطبعاً قولاً واحداً إن التحديث بيوصل من سامسونج بنفسها مش من شبكات المحمول عشان سامسونج هي الوحيده اللي تقدر تعدل وتغير في السوفت وير الخاص بيها من نحية إظهار أو إخفاء حاجة
