معايا A32 الواى فاى مش راضي يظهر ع الفون مهما قرب الفون من الراوتر

[محمد أمير]

ممكن يكون الغلط من الراوتر و حاول تسجل الشبكة تانى بس إتأكد من إسم الشبكة و كلمة المرور كويس علشان سواء كان الحرف كبير أو صغير بتفرق

[Om2r]

متأكد من بيانتى وكل حاجة ومسجل ع الشبكه...بس الفكرة لما اطفي الواى فاى اجى اشغله تانى ميلقطش ممكن امسك الفون والزقه في الراوتر ومش ظاهر ...مع ان اخواتى جنبي شغال زى الفل الفون بالعافية بيقرأ الراوتر ممكن يقعد اكتر من ساعة عشان يقرأ الراوتر

[محمد أمير]

يبقى ممكن تبقى فيه مشكلة فى التليفون كلم الدعم أحسن لك

[Future2Day]

أعمل إعادة ضبط للإعدادات الشبكة

[Samah-Ahmed]

مساء الخير يافندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

بنعتذر لحضرتك جدا عن المشكله اللى بتواجه حضرتك 

بناء على سؤالك أن حضرتك بتواجه مشكله فى شبكه الWIFI 

أستأذن حضرتك فى اتباع الخطوات الأتيه

1) برجاء التأكد انه لا يوجد اى سائل بالجهاز 
2) التأكد من اشارة الواى فاى تعمل 
3) تأكد من ان الرواتر يعمل 
4) ممكن حضرتك تجرب اتصال الجهاز برواتر اخر 
5) ممكن حضرتك تقوم بأعادة ضبط للواى فاى 
من خلال هذا الكود 
*#2663#
ثم اختيار اعادة تنشيط الواى فاى او 
refresh wifi version 
6) برجاء التأكد ان الجهاز على اخر تحديث 

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

[Om2r]

عملت كل ده ...بس ببقي جنب الراوتر وبرضه الفون مش بيلقط واى فاى ممكن ياخد بتاع ربع ساعة أو اكتر عشان يلقط الشبكة ....بس بيظهر كذا واى فاى جنبي معادا واى فاى الراوتر بتاعي مش بيظهره بالساهل لازم وقت جامد ..ووقت عشان يربط....لذلك بصدق لما الواى فاى يلقط واسيبه لاقط اليوم كله ورافض افصله