مشكله فى الشاشه a52s

[hema1988]

حصلت مشكله اول مره تحصل معاى كرهتني فى الجهاز وخلتنى كرهت كل اجهزه سامسونج الموبايل شاشه الموبايل كان عليها بصمات كتير رحت غسلتها بالميه ودى مش اول مره اغسله قلت مش هيحصل حاجه على اساس الحهاز ضد الميه بعدين ظهرت رساله ان مكان الشحن فيه رطوبه متشحنش الجهاز قلت شويه والجهاز ينشف وتختفي مهتمتش بيها المشكله الجديده بقي استخدمت الجهاز عادي بعد كده لاحظت بطئ استجابه الشاشه لما اضغط على زر البور عشان تشتغل وبقى فى وميض او رعشه لما تفتح والتتش بقى بطئ فى الاستجابه وبعد كده التاتش فصل نهائي ومشتغلش حاجه غريبه اول مره تحصل ومعرفتش استخدم الجهاز نهائي وبعد كده قلت اوصل الجهاز عالشاحن اشوف هيحصل ايه ظهرتلى رساله ان الجهاز فيه رطوبه وبقى الجهاز يدى تنبيه واهتزاز باستمرار والتاتش مش عاوز يشتغل ولا عارف ألغى الرساله ولا اهتزاز الجهاز ولا حتى عارف اقفل الجهاز بجد حاجه تخنق انا مش عارف هل ده عيب فى الجهاز ولا السوفت وير ولا التحديث الاخير بالرغم انى محدثه لاندرويد ١٣ والتحديث إلى بعده هو كده الجهاز محتاج يروح الضمان او الصيانه ولا ايه سبب وحل المشاكل دى .

[Bodysayed]

احب اقولك ان محدش بيغسل الجهاز اخرك تمسحو بحتة مبلولة بس عشان كذا مرة ورا بعض مية لازم هيحصل حاجة في الجهاز ومفيش جهاز في العالم ضد المياه اصلا هما بيبقو قصدهم بضدد المياه انو مش هيحصلو حاجة لو في مطرة او مياه وقعت عليه انما مش تغسلو كذا مرة وعايزو يفضل شغال وف الآخر تقول عيب من الجهاز دا كدا استهتار اصلا وسامسونج فوق كدا كدا

[hema1988]

بص حته ان الجهاز ضد الميه او غسيل الجهاز في الميه مجبتهاش من عندي سامسونج هي إلى قايله كده على الموقع الرسمي انه ضد الميه العذبه لعمق متر لمده نص ساعه فلما يحصل مشكله يبقى ده عيب صناعه او هما كدابين تمام كده اما موضوع سامسونج فوق طبعا انا مختلف جدا معاك سامسونج في الجهاز ده فيه عيوب كتير ناس كتير بتشتكي منها ده غير عيوب ضعف الشبكه والواي فاي وده مش موجود غير فى سامسونج وفى شركات كتير زي اوبو وريلمي وهواي احسن منها وملهاش مشاكل فى الاجهزه بتاعتها

[Bodysayed]

الجهاز ضد المياه مش معني كدا برضوا انك تغسلو هما عاملينو ضد الميه عشان لو وقع منك في مية انما مش تغسلو يعني وهاتلي دلوقتي جهاز من اوبو او اي شركة احسن من سامسونج a52s مش هتلاقي ولو جبت بتنشر الف جنيه ولا حتي الرينو ٨ الي لسة نازل

[hema1988]

بص انا كنت زيك كده معتعصب لسامسونج وانها مبتغلطش لاكن زيها اي شركه فيها مشاكل كتير في بعض الاجهزه ومنهم الجهاز ده اكتر جهاز فيه مشاكل ومنها تهنيج ووقوف التاتش ورعشه الشاشه ووقوف الشحن عند حد معين وبعدين حلوها مفيش شركه مفهاش عيوب والا مكانوش عملوله فتره ضمان ضد عيوب الصناعه انت موجهتكش اي مشكله يبقى احمد ربنا

[Bodysayed]

ممكن تبقا فيه حاجات معينة عيب صناعة مش عيب ف التليفون نفسو ياما ممكن يبقا اهمال

[hema1988]

معاك ممكن يبقى اهمال من المستخدم لاكن لما تبقى مشاكل عامه فى كل مستخدمين الجهاز يبقى ده عيب صناعه انتي مقتنع جدا بكلامك لو ظهرت عندك مشكله فى الجهاز صلحه على حسابك ومتودهوش الضمان

[Bodysayed]

محدش تاني قال علي المشاكل دي بالذات في الجهاز دا انا اول مرة اسمع الموضوع دا

[hema1988]

لا موجوده وناس كتير بتشتكي منها وفى ناس هنا كتير اشتكت منها بس انت مش متابع وفى جروب على الفيس اسمه مستخدمين a52s وa53 اغلب الناس واجهتها المشاكل مش عشان مواجهتكش مشكله تبقى اجهزه سامسونج كلها زي الفل انت مقتنع برأيك تمام انت صح بس لو واجهتك مشكله خليك على رأيك وصلح الجهاز على حسابك

[Bodysayed]

بقولك اي ياباشا ممكن رقمك وتس اتواصل معاك

[hema1988]

خير فى حاجه