حصلت مشكله اول مره تحصل معاى كرهتني فى الجهاز وخلتنى كرهت كل اجهزه سامسونج الموبايل شاشه الموبايل كان عليها بصمات كتير رحت غسلتها بالميه ودى مش اول مره اغسله قلت مش هيحصل حاجه على اساس الحهاز ضد الميه بعدين ظهرت رساله ان مكان الشحن فيه رطوبه متشحنش الجهاز قلت شويه والجهاز ينشف وتختفي مهتمتش بيها المشكله الجديده بقي استخدمت الجهاز عادي بعد كده لاحظت بطئ استجابه الشاشه لما اضغط على زر البور عشان تشتغل وبقى فى وميض او رعشه لما تفتح والتتش بقى بطئ فى الاستجابه وبعد كده التاتش فصل نهائي ومشتغلش حاجه غريبه اول مره تحصل ومعرفتش استخدم الجهاز نهائي وبعد كده قلت اوصل الجهاز عالشاحن اشوف هيحصل ايه ظهرتلى رساله ان الجهاز فيه رطوبه وبقى الجهاز يدى تنبيه واهتزاز باستمرار والتاتش مش عاوز يشتغل ولا عارف ألغى الرساله ولا اهتزاز الجهاز ولا حتى عارف اقفل الجهاز بجد حاجه تخنق انا مش عارف هل ده عيب فى الجهاز ولا السوفت وير ولا التحديث الاخير بالرغم انى محدثه لاندرويد ١٣ والتحديث إلى بعده هو كده الجهاز محتاج يروح الضمان او الصيانه ولا ايه سبب وحل المشاكل دى .
سيبك من كلام الاعلانات لو ضد المياه وعمق متر يقصد بيها المياه اللى معمولها ترشيح مفيهاش كلور وكدا حاجة نضيفة يعنى كدا ...مش المياه بتاعتنا دى ..بالنسبة للمياه بتاعتنا دى اخرها طرطشة المياه
مساء الخير يا فندم مع حضرتك اميرة من سامسونج مصر بنشكرك جدا علي طرح سؤالك ونتمنى لحضرتك يوم سعيد فى البدايه بعتذر لحضرتك جدا عن المشكله اللى بتواجهك بناء على سؤالك أستأذن حضرتك فى التوجه لاقرب مركز صيانه للتمكن من فحص الجهاز ومساعده حضرتك للتعرف على أقرب مركز صيانه خاص لحضرتك من خلال الرابط التالى : https://www.samsung.com/eg/support/service-center/ ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
انا مشتريه من موقع جوميا وقولى بضمان الموقع هل اكلمهم الاول ولا اروح مركز صيانه سامسونج ولو رحت مركز الصيانه لو فيه مشكله تكلفه الإصلاح على حسابى ولا على حساب الشركه مع العلم هما قالولى ضمان لمده عام وهو دلوقتى داخل على عام من اول ما اشتريته
االضمان بيكون ساري ابتداء من تاريخ الشراء المتواجد علي فاتورة الشراء الضريبية بالنسبة للتليفون بيكون سنة ابتداء من تاريخ الشراء المدون غلي فاتورة الضريبية ضد عيوب الصناعة
ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
