عندى مشكله فى تليفونA50 فجاه الصوت والمايك بيفصل حتى لو وصلت سماعه ما بيحسش بيها والمكالمات برضه مافيش صوت خالص ولما بشغل فيديوهات بلاقى الفيديو بيمشى سريع سواء فيديو على التليفون او على النت
بفضل اعمل ريستارت للتليفون كل شويه وبعد يوم او اتنين ومع عمل ريستارت بشكل مستمر بيشتغل
حصلت معايا المشكله دى مرتين واشتغل بس المره دى مش راضى يشتغل لسه اول مره حصل معايا كده كانت تقريبا فى شهر فبراير وبعد كده من حوالى شهر واخر مره امبارح ولسه المشكله ما اتحلتش
هل ده ليه علاقه باخر تحديث وهل فى حل للمشكله دى ... ارجو الافاده
صباح الخير يا فندم مع اميرة من سامسونج مصر بنشكرك جدا على طرح سؤالك وبنتمنى لحضرتك يوم سعيد بناءا على سؤالك
بخصوص استفسار حضرتك برجاء التأكد من بعض الخطوات: يفضل عمل اختبار للصوت عن طريق كتابة الكود التالى فى جهات الاتصال *#0283# ثم اختيار SPK و قول اى كلمه والتأكد هل هناك صوت ام لا ثم اختيار RCV و القيام بقول اى كلمه ووضع الهاتف على اذن حضرتك والتأكد هل هناك صوت ام لا ثم تركيب سماعات هاند فرى بالجهاز ثم اختيار EAR او E/P و قول اى كلمه والتأكد هل هناك صوت ام لا
فى حالة ان هناك صوت ولا توجد مشكلة اثناء الاختبار يرجى اعادة ضبط المصنع للجهاز.
الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch http://www.samsung.com/eg/support/smartswitch/
ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
يا استاذه اميره صباح الفل ... بشكل واضح وصريح يا فندم فى مشكله فى التحديث الاخير والشكوه من الموضوع ده كتير .. فلو من الممكن يبقى فى تحديث ينزل يحل المشكله او على الاقل عرفونا firmware يكون شغال كويس قبل العك الى حصل ده عشان كل واحد يلحق يحل مشكلته بدل ما نضطر نغير تليفوناتنا ... لان الموضوع مش هاردوير خالص وكل الاختبارات الى حضرتك بتقولى عليها دى مابتشتغلش وجربتها كلها ... والمشكله مش فى الصوت بس الصوت مافيش والمايك مافيش اى فيديو بيشتغل حتى على النت بيجرى وهو شغال البطاريه حتى استهلاكها اعلى ... وكل ده بيتظبط لما التليفون بيرجع يشتغل بطبيعته تانى ... وحضرتك ما تقوليليش اروح التوكيل واصرف فلوس كتير على مشكله اصلا من عندكو رجاء احترمو عقولنا
