مشكله بطاريه

[hamsazedan]

السلام عليكم انا تليفوني a73 من ساعت ما حدثته التحديث الاخير وهو الشحن بتاعه معدتش زي الاول خالص بيخلص بسرعه بعد ما كان بيقعد معايا فترات طويله وحتي لما بقيت اشحنه بالشاحن العادي بتاعه معدتش بيشحن طبيعي بينقص وساعات مش بيشحن اصلا وبيبعتلي اشعار تلف البطاريه هل كده محتاجه اغير البطاريه فعلا ؟

[lawren]

بيبعتلك نوتفكيشن ان البطارية أُتلفت عايز إيه تحذير أكتر من كدا عشان تتصرف؟

إنزل خدمة الصيانة لسامسونج القريبة من سكنك و محافظتك و غير البطارية لأنها ممكن تنفجر و تأذيك ولو في إنتفاخ ياريت تتصرف بسرعة و توديه للصيانة و تبطل تشحنه او تيجي جنبه

التليفون مستحملش زي معظم التليفونات التانية، عوض ربنا عليك

الخدمة هناك هتقولك دا تلف و محتاجة تتغير ولا دايرة الشحن اتحرقت و مسببة كل الضغط دا

و على سيرة النقصان ممكن الشاحن بتاعك بيسرب شحن و يفضل تنزل

Accubattery

شوف الفولت و الواط قد ايه
لو بالسالب او بالماينس و هو فالشاحن يبقى الشاحن بيسرب شحن

[YoussefHazem]

كلامك صح بس مش الشاحن السبب دائما لأن ممكن يكون سوكت البطارية أو الفلات الداخلية بقا تالف او سايب عن بعضه من خبطة او سخونية عالية على حسب استخدامك للموبايل

[YoussefHazem]

وكمان الى مش هتصدقيه ان البطارية نفسها بتبقا سليمة ولا بتسخن جامد أثناء الشحن ولا انتفاخ عشان كده بتبقا غالبا المشكلة فى تركيبة البطارية جوا الهارد طبعا على حسب استخدام الشخص او وقع منه جامد اوى وحاجات اتحركت جوا وبس

[lawren]

جرب تعمل تيست على الابلكيشن هنا
Samsung members
Test
شوف البطارية وضعها ايه

ولو اني بحس ان التيست دا بيهييس و ملهوش اي لازمة بس في ناس بتجيبلهم ان البطارية اتضررت فمفيش ضرر تجرب

[lawren]

عشان تشوف إذا في إنتفاخ او لا او تعرف إزاي هات كريديت كارد أو هات بطاقتك المهم اي حاجة فلات و حطها على ضهر الموبايل، لو في إنعواج و مش فلات متشحنهوش و يفضل تنزل الصيانة الحد الجاي

[hamsazedan]

شكرا جدا جدا ليكي والله انا محتاسه بقالي شهرين بسببها افدتيني جدا انا جبت شاحن تاني ونفع معاه فا بقيت معتمده علي الشاحن ده مش الشاحن الاصلي للاسف بيسخن علي غير العاده لما باجي اشحنه وبيخلص بسرعه جدا عملت التيست وطلعلي ان البطاريه عاديه سالت شات جبت قالي متثقيش فيه لانه اختبار محدود وان الاشارات اللي بيديها التليفون هي اللي يعتمد عليها

[lawren]

انا كل دا فاكرة اسمك حمزة، بصي يا همسة زي ما قولتلك متعتمديش اوي على التيست، هو فحالتك متقدريش تعملي مسح لبيانات البطارية لأنها وصلت لمرحلة التلف، لازم تروحي الصيانة و هما هيوجهوكي، و لازم تبقي عارفة انك داخلة على مبلغ لأنك هتجيبي شاحن جديد خالص غير البطارية طبعا

[hamsazedan]

كتير بيفكرني اسمي حمزه 😂😂 عموما شكرا جدا لاهتمامك ومساعدتك ان شاء الله هروح واشوف هيقولولي ايه وهعرفك وصلت لايه ❤

[YoussefHazem]

بالتوفيق إن شاء الله