مشكلة هابلة في الفيسبوك 🤣

[MoAnwar]

طيب هو احنا عارفين ان كل حاجة ليها meme 

وساعات بحتاج ارد بصورة فلما بختار بيجبلي ال gallery 

كله سايح على بعضه مفيش اوبشن اختار بفولدر مثلا

هل في حل للموضوع ده بدل مانا كل شوية بحمل صور وهي اكيد موجودة اصلا عندي 

وشكرا 😂

[GamerKing]

للاسف مالهاش حل في موضوع الرد على الكومنتات
بس انت اذا عاوز تعمل بوست جديد او حاله جديدة الاسهل انك تدخل المعرض و تختار الصورة اللي انت عاوزهاو تدوس عليهاكتيرهايجبلك اختيارات هاتختار مشاركة الصورة هايفتحلك اختيارات تانية من ضمنها بوست جديد في الفيس او حاله جديدة بتختارها بتلاقي نفسك فاتح الفيس و الصورة جاهزة للمشاركة

[MoAnwar]

منا كان قصدي على الكومنتات.. قشطة تسلم يا صديقي

[Amira-elnagar]

مساء الخير يا فندم

مع حضرتك نيهال من سامسونج مصر

بنشكرك جدا على طرح سؤالك وبنتمنى لحضرتك يوم سعيد

بناءا على سؤالك أن حضرتك بتواجه مشكله فىالتطبيق

برجاء الرجوع للمطور الخاص بالتطبيق للتمكن من المساعده بشكل أكبر 

حيث أننا لا ندعم التطبيقات الخارجيه

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

[MoAnwar]

انا مكنش قصدي اسال سامسونج نفسها ان عارف ان ملكمش علاقة انا بسال بقية الناس 😆

[Amira-elnagar]

هتلاقينا موجودين تحت أمرك فى خدمة حضرتك دايما

شكرا لحضرتك ولوقتك