مشكلة مع جهاز Samsung Galaxy a70

[AhmadYousif]

 الجهاز شغال تمام بس الشاحن و الكابل الاصلى مش شغالين معاه او بيعلقوا ،جربتهم على جهاز تانى بيشحنوا تمام و شحن سريع ،جربت شاحن و كابل مختلفين لقتهم تمام و بيشحنوا الفون ،اجرب الكابل مع الكومبيوتر الاقيه شغال شحن بس مش بينقل داتا و مش باين فى الكومبيوتر انه متوصل ،جربت كابل مختلف لاقيت نفس النتيجه بيشحن بس مش بينقل داتا او انه ظاهر فى الكومبيوتر، لكن نفس الكابلين بيشحنوا و ينقلوا داتا عادى جدا مع اى جهاز تانى عندى فى البيت. انا حاسس انى هتجنن.

[wessamsaad]

علشان انته مش معرف الجهاز الكمبيوتر مثلا😅يعنى امال اى بقا لزمه التعريفات بتاعه الكمبيوتر لو هوه هيتعرف لواحده

[AhmadYousif]

متعرف و كان شغال قبل كده تمام

[zafeer4]

ممكن كمان حضرتك ما بتفتحش باسورد اللوك بتاع الموبايل لم بتوصله بالكمبيوتر
لإن من غير كده عمره ما يبان اصلا فى الكمبيوتر

[AhmadYousif]

اكيد طبعا بس مش شغال برضو

[MrRoBoT1]

حضرتك المفروض لما بتوصل الكابل بالكوم بيظهرلك اشعار ع الفون انك لو عايز شحن الهاتف او نقل الداتا وانت بتختار انت عايز ايه لو ظهرش بقى الاشعار هتعمل ايه ؟! 👌
هتنزل لوحة الاشعارات هتلاقي مكتوب جار شحن الهاتف باستخدام منفذ usb تضغط عليه .. هتفتحلك نافذه فيها نقل الملفات ع الكوم

[mostarabafa]

ايوة

[AhmadYousif]

مابتظهرش اصلا كانت بتظهر الاول بس دلوقتى مش بتظهر سواء مع الكابل الاصلى او كابل مختلف

[mostarabafa]

انا معرفش والله بالنسبة للشحن ممكن يبقى في حاجة الشاحن شغال معايا تمام مفهوش حاجة

ثانيا لما توصل الفون بالكمبيوتر لازم تفتح الجهاز وتدوس على كلمة سماح بنقل الملفات عشان يبنقل داتا

[moshalabi30]

بص بقى انا معايا نفس الجهاز ومن اسبوع بشحنه بيجى جارى شحن وتم فصل الشاحن باستمرار وبعد يومين كده اجرب يجى جارى الشحن ومفيش علامة ان الجهاز بيشحن جربته على جهاز نفس الموديل شحن عادى جدا وكمان وصلة ال otg مابقتش تشتغل وديته صيانة سامسونج وغيروا بوردة الشحن والجهاز داللوقتى تمام