عندي مشكلة غريبة في أداء لعبة eFootball 2025 بعد آخر تحديث للموبايل، وعايز أعرف لو في حد تاني بيواجه نفس المشكلة.
أنا معايا Samsung Galaxy A36 (Snapdragon 6 Gen 3)، واللعبة كانت شغّالة كويس جدًا على Android 15 / One UI 7. كانت ثابتة على 60 فريم وعلى أعلى إعدادات بدون أي تقطيع.
لكن بعد تحديث Android 16 / One UI 8، اللعبة بقت مش مستقرة وبقت مقفولة على 56–57 فريم حتى لو حطّيت أقل إعدادات.
والغريب بقى:
كل الألعاب التانية شغّالة عادي قبل وبعد التحديث
المشكلة موجودة في eFootball بس
الجهاز مش بيسخن والمشكلة بتحصل حتى في القوايم
الموضوع واضح إنه مشكلة توافق أو Optimization بعد تحديث النظام.
في حد مع A36 أو Snapdragon 6 Gen 3 لاحظ نفس الهبوط في الفريمات بعد تحديث One UI 8؟
بص هو مبدأيا الفرق ده مش كبير عشان تقول ان فيه مشكله الموضوع هو ان مع كل تحديث التلفون بيحمل اكتر يعني مثلا الاندرويد الي بيجي مع الجهاز بيستهلك 10% من اجمالي الجهاز و مع كل تحديث بيضاف حجات جديده فا حمل اكتر علي الجهاز فامتقلقش هو كده كده الفرق مش كبير
الفكرة مش كدا الفكرة ان المعالج يقدر يسد عادي جدا مع اللعبه لانها مش تقيلة اصلا انا بلعبها ع فون a16 ومفيش تقطيعة واحدة واندرويد ١٦ برده الفكرة ف ال optimisation بين محرك اللعبة وتحديث درايفر ال gpu وفات شهرين اهو ع التحديث ولسا مفيش حل وبعت لسامسونح وللعبة وبرده بيقولوا انهم بيحققوا فيها لسا
سامسونج ملهاش علتقة بالموضوع لاكن ممكن اللعبة محتاجة optimization للنسخة الجديدة او اندرويد 16 وعمتا فرق 3 فريمات دول ميعملش مشكلة طلما مش بيحصل drop frame استني بس تحديث جديد للعبة وممكن يعملوا optimization للتحديث الجديد
