مشكلة في شحن موبايل samsung a30

[MahmoudSami]

موبايل samsung a30 معايا من ٣ شهور ومن يومين كل اما اوصل الشاحن  مبيشتغلش الشحن السريع واوقات مبيشحنش خالص وجربت الشاحن علي موبايل تاني نفس الموديل شغال تمام وجربت شاحن موبايل تاني زيه نفس المشكله و بيشتغل شحن عادى اما بوقف خاصية الشحن السريع 

[am202]

حصلت معايا نفس المشكلة ورحت التوكيل قالولى ان المشكلة فى السوكت بتاع الموبيل وده سوء استخدام منك
مع ان الموبيل بيشحن عادى بس خاصية الشحن
السريع من شغالة

[am202]

جربته على شاحن تانى سريع لقيت الموبيل شغال من غير اى مشاكل ورحت التوكيل مرضوش يبدلوا الشاحن وقالولى لا المشكلة فى الموبيل

[MahmoudSami]

عندي الموبايل بيشحن بشاحن عادي بس ممكن يقعد ٥ ساعات يشحن
والشاحن بتاع الموبايل شغال عادي علي الموبايلات التانيه

[mohamedtiger]

خد الشاحن اللى شغال تمام والشاحن الخاص بجهازك
ووريهم بعينيهم و لموأخدة حطه فى عنيهم
المشكله ان البطاريه والشاحن اعتقد بيبقوا خارج الضمان من الأساس

[Sara-nader]

صباح الخير يا أستاذ محمود مع حضرتك ساره من سامسونج مصر

بنشكرك جدا على طرح سؤالك

فى البدايه بعتذرلك جدا عن المشكله اللى بتواجه حضرتك

بناءا على سؤالك من الموضح أن حضرتك بتواجه مشكله فى شحن التليفون الخاص بك ال A30

أستأذن حضرتك فى  عمل ضبط مصنع للجهاز عن طريق الخطوات الاتيه: 

- الضبط 

-الاداره العامه 

- اعاده الضبط 

-اعاده تعييين بيانات المصنع 

-اعاده الضبط 

-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

لو مازالت المشكله مستمره 
برجاء التوجه لاقرب مركز صيانه  لحضرتك  للتمكن من فحص الجهاز

تقدر تتعرف على أقرب مركز صيانه من خلال  الرابط الاتي:
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

[MahmoudSami]

جربت كل دا ومشتغلش

[itsYAZAN]

اذا لقيت حل قلي !😥

[magdy2511]

انا بقى حصل معايا نفس النظام روحت الضمان قالولى السكت بتاع الفون عملوا السكت وبعدها حصل نفس الموضوع والشاحن شغال على كل التليفونات الا تليفونى جبت رأس شاحن تانيه اشتغلت بسيب الفون يبقى ١٥%احط الشاحن ينزل لحد واحد وبعد كده يبدأ يشحن بطيء

[Samsung_VZ9A8vn]

وانا كمان نفس المشكلة A 305 f بيشحن موبايلي على اي شاحن شاومي حتى لو ما بيدعم الشحن السريع  بيشحن سريع اإلا على شواحن سامسونغ مابيشحن سريع هل من الممكن يكون في حل وشكرا