مشكلة في تحديث سامسونج a70

[MahmoudNesta]

من كام يوم وصل تحديث امني لسامسونج a70   من بعدها الفون بقي بيسخن جامد جداااا حتي لو مش بستخدمه والتاتش بقي تقيل وفي منتصف الشاشة مش بيبقي شغال تاتش خالص وعشان يشتغل لازم اعمل ريستارت كل شوية 

[Sara-nader]

مساء الخير يا فندم مع حضرتك ساره من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

بناءا علي سؤالك من الواضح أن حضرتك بتستفسر عن وجود سخونه عاليه فى موبايل حضرتك 

أستأذنك فى عمل الخطوات دى علشان نقدر نحل المشكله الموجوده 

1-قم بالتاكد هل السخونه تظهر عند شحن الجهاز فقط ام عند الاستخدام بشكل عام

2-عند استخدام الجهاز لفتره طويله سوف تحس بسخونه منه يمكن تحملها

3-متاح للجهاز ام لا Software قم بالتاكد هل هناك اى تحديث

4-قم بعمل اعاده ضبط مصنع  للجهاز عن طريق الخطوات الاتيه

1- الضبط 

2-الاداره العامه 

3- اعاده الضبط 

4-اعاده تعييين بيانات المصنع 

5 -اعاده الضبط 

6-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

5-فى حالة ارتفاع درجه حراره الجهاز بصوره غير طبيعيه و عدم القدره على لمس الجهاز عند ارتفاع درجه الحراره يجب التوجه لمركز الصيانه

ولمعرفه أقرب مركز صيانه خاص بحضرتك من خلال الرابط التالى : 

https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن و

موجودين تحت أمرك وفى خدمتك فى أى وقت 

شكرا  لحضرتك ولوقتك

[MahmoudNesta]

مساء النور .. هو بيسخن حضرتك من غير استخدام ومش موصله بالشاحن وبكون قافل كل حاجه مجرد بس ما فتحت الواى فاي لقيت سخن جدا

[MahmoudNesta]

انا عملت ضبط مصنع والجهاز لسه فيه نفس المشكله وكمان بقي في بيكسل معينه في الشاشه لما بلمس التاتش مش بتشتغل غير لما اعمل ريستارت

[Sara-nader]

MahmoudNesta

مساء الخير يا فندم مع حضرتك ساره من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجهك

بناء على سؤالك أستأذن حضرتك فى التوجه لاقرب مركز صيانه 

للتمكن من فحص الجهاز ومساعده حضرتك 

للتعرف على أقرب مركز صيانه خاص لحضرتك من خلال الرابط التالى : 

HTTP://www.samsung.com/eg/support/service-center/

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[MahmoudNesta]

طيب مفيش اي تحديث يوصل يعدل المشاكل اللي حصلت دي .. اكيد دي شكوى عامة ولازم تحلوعا في اقرب وقت .. انا بسبب التحديث والسخونية ضرب عندي جزء من التاتش في نص الشاشة العلوي والفرع بتاعكم قالي هنغير نص .. وده كله بسبب مشاكل فنيه من التحديث الاخير .. هل حد فيكم هيعوضني عن اللي حصل ده ؟

[Samah-Ahmed]

احنا مقدرين موقف حضرتك بعتذر لحضرتك جدا عن المشكله اللى بتواجهك

بناء على سؤالك أستأذن حضرتك فى التوجه لاقرب مركز صيانه 

للتمكن من فحص الجهاز ومساعده حضرتك 

للتعرف على أقرب مركز صيانه خاص لحضرتك من خلال الرابط التالى : 

HTTP://www.samsung.com/eg/support/service-center/

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[MahmoudNesta]

ما انا حضرتك بقولك انا فعلا رحت لمركز الصيانه اللي في ١٨ ش السودان جنب بي تك وهو اللي قالي هنغير نص .. انا ذنبي ايه في اللي حصل بسبب تحديث بوظ الجهاز عندي مع العلم انه خلص ضمان من ٥ شهور .. وعشان اصلح الجهاز هيكون بسعر جهاز جديد .. انا استفدت ايه كده