عندى استفسار ومش عارف هل هو مشكلة ولا اوبشن فى الموبايلA52s والموضوع بإختصار لما يكون التليفوت موضوع على سطح مستوى وحد رن على التليفون بلاحظ ان صوت الرنة فى سماعة المكالمات والاسبيكر متساوى وتمام ولما بمسك التليفون وارفعة الاحظ ان صوت الرنة قل جدا فى سماعة المكالمات وصوت الاسبيكر عالى وثابت زى ماهو ولما بشغل مقطع فيديو او صوتى بيكون الصوت مظبوط جدا فى سماعة المكالمات والاسبيكر
فهل ده اوبشن فى التليفون ولا عيب وكيفية وقف الاوبشن ده لو امكن
مساء الخير يا فندم مع حضرتك اميرة من سامسونج مصر بنشكرك جدا علي طرح سؤالك ونتمنى لحضرتك يوم سعيد فى البدايه بعتذر لحضرتك جدا عن المشكله اللى بتواجهك بناء على سؤالك أستأذن حضرتك فى اتباع الأتى : الضبط 1- حول الهاتف 2- ارجاع 3- ارجاع الاعدادات 4- ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
عملت اللى حضرتك قولتى عليه لكن نفس المشكلة قائمة واعتقد ان ده سينسور هو المسئول عن خفض الصوت الرنين فى سماعة المكالمات عند رفع التليفون من المستوى الافقى فلو كلامى صح كيفية غلق تفعيل السينسور المسبب لهذه الخاصية
صباح الخير يا فندم مع حضرتك اميرة من سامسونج مصر بنشكرك جدا علي طرح سؤالك ونتمنى لحضرتك يوم سعيد فى البدايه بعتذر لحضرتك جدا عن المشكله اللى بتواجهك بناء على سؤالك أستأذن حضرتك فى اتباع الأتى :
1. استاذنك ادخال الكود التالي
*#0*# 2. قم باختيار speaker 3. في حاله عدم ظهور المشكله يرجي القيام باعاده ضبط الجهاز
الضبط ← عام ← النسخ الاحتياطي و اعادة الضبط ← اعادة تعيين بيانات المصنع ← اعادة تعيين الجهاز قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch http://www.samsung.com/eg/support/smartswitch/
ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
