انا كنت اتكلمت علي مشكلة تطبيع حصلت معايا في الجهاز وقولت اعمل ايه واروح فين
واللي حصل كالآتي...
زي ما الواحد بيقول علي عيب ظهر معاه
لازم برده الواحد يدي الشركة حقها ويقول حلوا العيب ازاي لما روحتلهم
في البدايه كده انا لما رحت الضمان
الجهاز كان فاضل فيه أقل من شهر بالظبط ويخرج من الضمان كان فاضل فيه ٢٥ يوم
ومع ذلك ملقتش اي مماطلة منهم لحد ما الجهاز يطلع بره الضمان خدوا الجهاز مني وفي خلال يومين بالظبط لقيتهم كلموني وقولي الجهاز خلص يا فندم وتقدر تيجي تستلمه
الشاشة اتغيرت عشان كانت دي المشكلة الأساسية كانت مطبعة
والبوردة اتغيرت عشان كان فيه مشكلة في الصوت بتاع الاغاني بس العيب الأساسي كان في Ic الصوت عشان كده البوردة اتغيرت بس اكيد البوردة السفلية بس اللي اتغيرت لان دي اللي فيها عيب الصوت
والجهاز خدته كأني لسه جايبه جديد
كل ده بدون ما ادفع جنيه واحد وكان فاضل ٢٥ يوم والجهاز يخرج من الضمان
بجد يعني دي حركة محترمة جدا جدا من سامسونج
لدرجة ان انا كنت مستغرب ان كل ده حصل بالسرعة دي ومن غير ما يحصل اي مشاكل
فشكرا سامسونج وبالتحديد العاملين في فرع عباس العقاد
مش عارف والله ومش عارف حتي لو عليها ضمان الضمان ده بيفضل شغال بعد الجهاز ما بيخرج بره الضمان ولا لا لان الجهاز خلاص فاضل فيه ١٠ ايام بالظبط ويبقي بره الضمان
