مشكلة بهاتف Samsung A21s

[Moustafa Qotb]

السلام عليكم ..

لو سمحتم تليفوني Samsung A21s

والتليفون بيسخن من ناحية الكاميرا لما بشحنة ووقت لما بستخدمة بيبقى عادي ومفيش سخونية .. لغيت ميزة الشحن السريع لان ناس قالت انها بتسخن البطارية ..

ونزلت برنامج لاغلاق البرامج في الخلفية ..

ساعات يسخن وساعات لأ .. برجاء الإفادة 

[morashrqawy · Accepted solution]

متنزلش برامج لاغلاق البرامج اللي في الخلفيه لانو مزجود في الفون برنامج اصلا ل كدا
+ هل السخونيه دي سخونيه زياده اوؤ متقدرش تستحملها ولا دفئ بسيط
مع الحر اللي احنا فيه دا طبيعي التيلفونات تسخن بس مينفعش تبقى سخونيه صعبه

[Moustafa Qotb]

هو بين البينين يعني ساعات دافي وساعات سخونة ومرة يسخن ومرة لأ .. 
بس هل الجراب بيسخن او الشاحن او اني حاطة ع السرير ولا ايه بالظبط .. مع العلم انة لا اتخبط ولا حصله حاجة

[morashrqawy · Accepted solution]

السخونه اللي بتقول عليها دي طبيعيه ع قكرة بس انتا بتلاحظها عند الكاميرا عشان دا الجزء اللي باين من الجراب
نصيحه لما تيلفونك يكون بيشحن متستخدموش و متحطوش ع فرشه او تحت مخده لانو دا بيرفع حرارته الاحسن تحطه في مكان تهويته حلوه و مايكونش حر ولا جاي عليه شمس
انا معايا نفس تيلفونك ودا طبيعي يا صاحبي

[Moustafa Qotb]

تمام يا غالي الف الف شكر ليك .. السخونة مش من عند الكاميرا نفسها ده جنبها في الجزء اللي فوق جنب الكاميرا .. بس فعلا لاحظت اني لما حطيتة ع سرير او مخدة بيسخن ولما حطيتة ف المكتب مكانش بيسخن

[morashrqawy]

لو شلتو من الجراب وقت السخونيه هتلاقيها في الظهر فب النص اللي فوق وبتبقى دفئ مش سخونيه واضح انو المكان عندك حر حاول تطفي الشحن السريع لانو ملوش فايده بتفرق بس ف حوالي ١٠ دقايق او ربع ساعه و شغل توفير الطاقه بس اطفي تقييد التطبيقات هتفرق معاك البطاريه جامد انا معايا بيقعد يومين او يوم ونص مع استخدام تقيل

[Moustafa Qotb]

طاب معلش الغي ازاي تقييد التطبيقات دي ؟

[morashrqawy]

نزل شريط الاشعارات وخليك دايس على توفير الطاقه مده طويله هيطلعلك ٣ حجات الغي اخر حاجه فيهم دا لو انتا حدثت اندرويد ١١
لو لسا محدثتش هيطلعل ٣ خيارات وضع المحسن
توفير الطاقه المتوسط
توفير الطاقه الفائق
اعمل على المتوسط

[faisal2030]

ادخل صفحتي بوست الحراره

[MohamedDawoud1]

في دخول فصل الصيف وارتفاع درجات الحراره طبيعي الموبايل يسخن
كل اللي عليك اثناء الشحن شيل الموبايل من الجراب ومتستخدموش اثناء الشحن ولما تشحنه خلي الشاشه لتحت والدخر فوق علشان يتهوي