مشكلة بطارية

[youstinna]

لو سمحت انا معايا تليفون Samsung a24 و اول ما بيوصل ٧٧ بيبدأ يبقي بطئ جدا و اول ما يبقي ٨٠ مش بيبقي عايز يشحن خالص و انا قافلة خاصية انو يوقف شحن عند ٨٥% فايه الحل هو ساعات يبقي كده و ساعات يشتغل و يبقي تمام بس بقاله مرتين كده فايه المشكلة ضروري

[複ᴀʜᴍᴇᴅ]

بسبب درجة الحرارة وده طبيعي متقلقيش عليه كلنا كدا

[youstinna]

بجد؟ اصل لو درجة حرارة اشمعنا عند ٨٠ هو انا قفلته و فتحته شحن الحمدلله بس بطئ

[複ᴀʜᴍᴇᴅ]

اي تلفون لما يتشحن من 0←100كدا
بتقل عدد الوات بمعني
إن التلفون لما يوصل من 80←100 مش بياخد ال25 وات كاملة لا ،ديه بتقل فبتالي بيقعد فترة أطول عقبال ما يشحن (وده بدون درجة حرارة) أما بقى لو في درجة الحرارة مع اللي بيحصل ده طبيعي هيقف عن 80 مثلًا أو 75 لأن أصلًا مش واخد القدرة الكافية من الشاحن وبالإضافة الي السخونة أو عامل درجة الحرارة فبتالي مش هيكمل.

[複ᴀʜᴍᴇᴅ]

هو حوار مُعقد شوية ،بس مش عايز حضرتك تقلقي خالص لأن ده طبيعي ويُفضل إنه يتشحن في مكان درجة حرارة معتدلة ولا يُفضل استخدامه وهو على الشحن

[youstinna]

هو أهم حاجة ان مفيش حاجة في البطارية انا كنت خايفة تكون البطارية فيها حاجة بس انا استغربت علشان انا استعمالي له كويس و عمري ما استعمله علي الشاحن

[複ᴀʜᴍᴇᴅ]

لا يا فندم إن شاء الله مفيش حاجة أنا فوني بيعمل كدا بردو لأن طبيعي درجة الحرارة لها دور مؤثر فمتقلقيش.

[SamsungModerator1]

youstinna

 مساءالخير يا فندم مع مهاد من سامسونج مصر

بنشكرك جدا على طرح سؤالك وبنتمنى لحضرتك يوم سعيد

بناءا على سؤالك

برجاء اتباع الخطوات الاتية 

التاكد من استخدام الشاحن الاصلى 

تجربة شاحن  اخر 

التاكد  من  عدم استخدام الهاتف اثناء  الشحن 

فى  حال استمرار  المشكلة برجاء  اتباع الاتى 
  يرجى  اعادة ضبط المصنع للجهاز.
الضبط ← الإدارة العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج
Samsung smart switch
http://www.samsung.com/eg/support/smartswitch/

فى  حال استمرار  المشكلة برجاء  التوجة الى اقرب مركز صيانة لفحص الهاتف  و حل المشكلة 

 يمكنك اتباع الرابط أدناه للعثور على أقرب مركز:
http://www.samsung.com/eg/support/servicelocation/

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك