السلام عليكم انا من الناس اللى غيرت الساعة يدوى ومن غير ما اعمل تحديث ولا اغير شريحة ولا ريستارت والكلام الكتير
لسبب بسيط جداا ...لم كل الشبكات تبعت رسالة تقول ان سيستمهم حيتوقف من ١١ مساء إلى ٣ الفجر ...يعنى مفيش تحديث تلقائي...علشان هم نفسهم عندهم تحديث قواعد البيانات علشان كده وقفوا اغلب الخدمات
(محافظة تجديد باقة ...الخ)
الموضوع بسيط
تعديل الوقت من تلقائي لليدوي تتبع الخطوات التالية:
1. اختار الضبط
2. اختار الإدارة العامة
3. اختار التاريخ والوقت
4. قم بالغاء تفعيل التاريخ والوقت التلقائي
5. قم بضبط الوقت الذي تريده يدويا
ايه السبب اللى يخليك تحدث جوجل علشان الساعة ولو تحديث مهم كان جه تنبيه به ....وللعلم التحديث ده عمل مشاكل مع ناس كتير .. وفى ناس عملت التحديث كذ مرة و الساعة زى ما هى
علشان لازم يكون جهازك فى خدمة اسمها تحديث المناطق الزمانية ويطلب منك ريستارت للجهاز
وده بيجى من سامسونج ومن الاندرويد ١١ واللى بعد كده
طيب الموبايلات القديمة اللى مفيش عندها تحديث جوجل ولا المناطق الزمانية تعمل ايه ترمى الموبايل
وايه يعنى لم تغير الساعة يدوى هم كام شهر وخلاص
وحسبي الله ونعم الوكيل فى اللى رجع الساعة الفقرية دى تانى
مساء الخير يا فندم مع حضرتك داليا من سامسونج مصر بنشكرك جدا علي طرح سؤالك ونتمنى لحضرتك يوم سعيد فى البدايه بعتذر لحضرتك جدا عن المشكله اللى بتواجه بناء على سؤالك
لتعديل التوقيت الصيفي هنتبع الخطوات التاليه يا فندم:
يجب التأكد ان الجهاز متحدث علي اخر نسخه سوفت وير متاحه.
اولا: التأكد من تحديث نظام Google play عن طريق الخطوات التاليه:
1. اختار الضبط
2. اختار حول الهاتف
3. اختار معلومات البرنامج
4. اختار تحديث نظام Google play
5. قم بتنزيل التحديث ان وجد
في حال ان الجهاز علي اخر تحديث و هو 1 ابريل 2023 برجاء
تفعيل الوقت اليدوي من التلقائي لليدوي تتبع الخطوات التالية حتي يتم وصول تحديث اخر في اقرب وقت ممكن
1. اختار الضبط
2. اختار الإدارة العامة
3. اختار التاريخ والوقت
4. قم بالغاء تفعيل التاريخ والوقت التلقائي
5. قم بضبط الوقت الذي تريده يدويا.
ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
