الإجابات المعتادة يعنى ... يعنى أضيف على رد Hussien ، إنك متسيبش الواى فاى و البلوتوث و NFC شغالين من غير داعى ..سيب ال GPS لأنه كده كده مش هيشتغل إلا إذا الجهاز إنتاجه و ده بيبقى قليل ، و فى نفس الوقت مهم ، عشان لو الجهاز لا قدر الله ضاع ولا حاجة ... متسيبش برامج شغالة فى الخلفية إلا للضرورة زى مثلا برامج المراسلة .. متحملش Anti - virus لأنه بيتقل الجهاز و بياكل البطارية " على الفاضى " غالبا ... متقفلش البرامج كل شوية من شاشة التنقل بين التطبيقات " طمعا " فى إنك تنظف الرام و تقلل إستخدام البطارية لأن ده بيستهلك بطارية بسبب تكرار فتح التطبيقات ، و بيقلل سرعة الجهاز نسبيا ، لأن لو مثلا بتستخدم تطبيق بشكل متكرر زى WhatsApp و كل شوية تقفله و ترجع تفتحه ، ده بياخد وقت أطول من لو إنه يكون جاهز طول الوقت على الرام .. حاول تخلى الشحن السريع للضرورة فقط ، لأنه بيقلل من عمر البطارية .. و متاخدش بنصيحة إنك تشغل وضع توفير الطاقة و تشغيل الوضع الداكن و وضع التطبيقات فى وضع السكون العميق " إلا لو أنت مش بتستخدمها إلا نادر أو مش بتستخدمها خالص " ، لأن أنت مش جايب الجهاز تحنطه... لو كده كنت وفرت الفلوس و جبت جهاز المعالج بتاعه ضعيف. بطاريته كبيرة من البداية ، و كان هيوفر معك البطارية من غير كل ده ... لكن طبعا نصيحة Hussien تمام ، و غالبا هيكون التليفون مظبوط عليها بشكل إفتراضى هى و خاصية " بطارية تكيفية "
