مشكلة البصمه a32

[midoas]

مفيش حد لاقي حل لموضوع البصمه ده بقي رخم اوى انا كل يومين بسجل بصمه جديده وبرده بتعلق عملت موضوع زيادة الحساسيه ده وبرده مفيش فايده حد عنده نفس المشكله ؟ 

سامسونج A32

[k_elka7lawy]

ادخل ع الضبط
التطبيقات شغل اظهار تطبيقات النظام
بعد كدة اعمل بحث عن
Biometrics
ادخل ع البطارية
وخليها غير مقيد
جرب كدة وقولى😊👌🏽

[midoas]

ممكن توضيح اكتر

[k_elka7lawy]

ايه الى مش واضح
دى بتخلى بتخلى الوجه والبصمة يشتغلوا بطاقتهم الكاملة
ومش بيدخلوا فى وضع حفظ الطاقة
وبكدة هيتسرعوا معاك بشكل ملحوظ
جرب وقولى بس

[midoas]

انا اقصد توضيح الخطوات

[k_elka7lawy]

ادخل على الضبط
بعد كدة التطبيقات
هتظهر تطبيقات النظام من هنا
وابحث عن Biometrics
ادخل على البطارية
وخليها غير مقييد

[midoas]

تسلم يا محترم عملتها هجرب واقولك وشكرا ليك مره تانيه

[k_elka7lawy]

حبيبى يا روقاان جرب كدة وقولى حصل ايه معاك

[S_aMy]

مش عارف اعمل ال حضرتك بتقول عليه

[Amira-elnagar]

midoas

مساء الخير يافندم مع حضرتك اميرة من سامسونج مصر
بنشكرك جدا علي طرح سؤالك
في البدايه بعتذرلك جدا علي المشكله اللي واجهتك
بناء على سؤالك من الموضح أن حضرتك بتواجه مشكله فى البصمه الخاصه بجهازك
أستأذنك فى عمل الخطوات الاتيه :
1-فتح الضبط 
2- الشاشه 
3- تفعيل حساسيه اللمس 
4- الغاء اللمس العرضى
ثم اعاده تشغيل الجهاز وتشغيل بصمه جديده 
ثم عمل اختبار البصمه الخاص بالجهاز  
1- الاتصال بكود *#0*#
2-نختار كلمه sensor
3-نختار finger print 
4- ضغط على normal test 
نتركها تعمل scan لو ظهر لحضرتك كلمه pass تبقى المشكله اتحلت
نتمنى حل المشكله عند حضرتك فى أقرب وقت ممكن و 
موجودين تحت أمرك وفى خدمتك فى أى وقت 
شكرا  لحضرتك ولوقتك