Original topic:

مشاكل "One Ui 6.1

(Topic created on: 01-09-2025 08:44 PM)
104 Views
mohamed-ibrahim_saed
Active Level 4
Options
جالاكسى A
لو قارنا one ui 5 ب one ui 6.1 سرعة ال scrolling و الانيميشنز طلقة فى ال one ui 5 عكس one ui 6.1 
 خلاصة الموضوع ان سامسونج تحديثاتها بدات تخرب بدءا من واجهة one ui 6.0 يدوب شكل وتصاميم فقط اداء مفيش اى جديد كل اللى بتعمل عمالة تشيل فى مميزاتها وتلزق فى تصاميم وخلاص فى كل تحديث ومش ده المطلوب بالنسبة للمستخدمين ومستخدمين كتير فى مجتمعات reddit و جروبات تيليجرام بدائت تشكى بسبب التحديثات العقيمة دى ، smart view ازالو منها ميزة التحكم فى الفيديو عن طريق الشاشه اللى هى عاملة زى ال video player الانيميشنز وبقت ابطاء ، استهلاك اعلى فى البطارية بسبب الانيميشنز دى اللى ملهاش اى تلاتين لازمة يمكن one ui 6.0 كان افضل بكتير جدا ع الاقل مكنش فيه اى لاج ولا اى ضرر كمان مشكلة شبكات الاتصال الضعيفه انا مش عارف سامسونج بدائت تخيب اوى كده ليه ، يمكن احسن سلسلة موبايلات فئة اقتصاديه باحسن سوفت وير اطلقتها سامسونج كان (A10,A20,A30,A50) مع تحديثات اندرويد (9,10,11) من بعد كده مفيش اى حاجه مفيدة عملتها سامسونج حرفيا غير انها بتصمم فى الشكل وخلاص ياريت نشتغل ع الاداء وسرعة الاستجابة وال PROCESS كمان حتى تطبيقات النظام بقت بتلاج انا ساعات بفتح الضبط بتاع الهاتف بدءا من تانى تحديث لموبايلى الجديد عارف يعنى مشترى موبايل جديد من تانى تحديث بيلاج ده يخلينى اغير تعاملى مع الشركة دى نهائى التحديث ده اللى هو 6.1 ولو متحلتش المشاكل دى انا فعلا هطبق اللى بقوله ده واغير جميع منتجاتى م الشركة دى لاى شركة تانى انا حبيت اتكلم واناقش ده كله لافادة الشركة واصلاح عيوبها عشان بجد الموضوع بقى مبالغ فيه وانا من زمان مستخدم لجميع منتجات سامسونج بدءا من اطلاق موبايلات السامسونج بوكيت و ال j1 , اتمنى حل المشاكل دى ف اسرع وقت واقرب تحديث. 
2 Comments
SamsungModerator4
Moderator
Moderator
Options
جالاكسى A

مساء الخير يا فندم مع حضرتك اية من سامسونج مصر

بنشكرك جدا على طرح مشاركتك معانا وبنتمنى لحضرتك يوم سعيد

سعداء جدا براي حضرتك في الجهاز
بناءا علي مقترحاتك بيتم توضيحها للقسم المختص
و تاكد ان هدفنا رضائك في تحسين الخدمة و تطويرها
هتلاقينا موجودين تحت أمرك فى أى وقت
شكرا لحضرتك و لوقتك

جالاكسى A
ارجوا حل المشكلة بسرعة بسبب عدم استجابة الجهاز
0 Likes