مشاكل متعددة بعد التحديث الأخير A05s

[MahmoudAhmed_R]

ليه تم إزالة خاصية تسجيل المكالمات من A05s بعد آخر تحديث؟

وكمان صوت انخفاض البطارية 🔋 مزعج وسيء أصلا.

وكمان معلومات الشحن والمهلة اختفت من على الشاشة on display بقت لحظية تظهر وتختفي.

وبصراحة "وجهة نظري" ان الإيماءة أعلى الشاشة ليست جيدة. لا داعي لتقسيم اللوحة المنسدلة من الأعلى لجزئين. يمين الكاميرا للاشعارات ويسار الكاميرا للتحكم. هي ايماءة واحدة للجزء العلوي كله مع بعض وخلاص. لأني ممكن أكون ماسك الموبايل بيد واحدة حسب ظروفي.

[1H1ibrahim1M1]

زيك والله بردو اتشالت عندي

[MahmoudAhmed_R]

كل تحديث كده لازم يبقى فيه خساير في الأرواح.
لما نشوف التحديث الجاي

[1H1ibrahim1M1]

اة والله 😂 أن شاء الله خير

[1H1ibrahim1M1]

انا كان سقف توقعاتي عالي قولت ممكن الموبايل في حاجات يدعمها ولا اي حاجه حصلت حاجة تقرف🥲

[MahmoudAhmed_R]

والله نفس اللي توقعته. بس اخرهم أضافوا مكالمات واي فاي. وقدامها ألغوا حاجات تانية.

[mosaemado2026]

فقدنا الثقه فى سامسونج ولم نعد ننصح بشراء سامسونج بسبب إلغاء الخدمات اللى أشتريناه علشانها

[MahmoudAhmed_R]

هي عموما فئة اقتصادية على قد حالنا في الوضع الاقتصادي الهباب. لكن فيه أعلى بس عملتنا احنا اللي مفرومة.

[mosaemado2026]

ياسيدى الفاضل هناك أسعار اقل من هذا الهاتف لشركات أخرى محترمه وتدعم تسجيل المكالمات وأشياء أخرى لا تدعمها سامسونج

[MahmoudAhmed_R]

كلامك صحيح وعن اطلاع بها. عموما الشركات التانية كويسة برضو لكن الناس بتخاف تغير الشركات 🤷‍♂️ عن نفسي اول مرة اتعامل مع سامسونج.