الشاشة مصفرة شوية واتأكدت بإني قارنتها بأجهزة سامسونج اقل في السعر يعني المفروض شاشتي افضل (مع ملاحظة ان الجهاز اللي قارنت جهازي بيه نزل في نفس السنة)
صوت السماعة الامامية وطي وبقيت بشغل الاسبيكر ف المكالمات الجهاز بيهنج ساعات في الواجهة الرئيسية وبطئ في التنقل بين الابلكيشنز
وساعات بلاقيه سخن في جيبي بدون ما استخدمه والاقي البطارية بتقل بسرعة جدا مع اني قافل كل حاجة ف الخلفية الفيبريشن مبقاش شغال رغم انه متفعل وساعات على نفس الوضع الاقيه اشتغل مش عارف اغير الباك جراوند كل ما اغيرها مبتتغيرش
عملت للجهاز فاكتوري ريسيت عشان عارف اللي هيتقال انا ببلغ حضراتكم اهو اني عملت فاكتوري ريسيت بالفعل ومفيش حاجة اتحلت
ومحتاج طريقة اعمل بيها نسخ احتياطي للملفات اللي على الجهاز بإستخدام الكمبيوتر عبر وصلة usb او وايرلس المهم عايز طريقة بدون كارت ميموري
اتمنى المشاكل دي تتحل انا بحب شركة سامسونج بلاش تكرهوا الواحد فيها
جيت اعدل عايز اضيف حاجة بس عشان مش فاهم ازاي دة جهاز ميد رينج وميبقاش عليه ابلكيشن زي bixby وابلكيشنز تانية من سامسونج مش بترضى تنزل عندي ومش بلاقيها في جلاكسي ستور اصلا مع انها متوفرة على اجهزة تانية عادي ويمكن اقل في الفئة السعرية
الشاشة دي ممكن حضرتك تتأكد.من اعدادت الشاشة وتختار درجة اللون وجرب غيرها من ساطع الى عادي او حطها كوستم وظبطها درجة اللون وممكن تاكد لىضو انك مش مفعل فلتر الاضائة الزرقا لانه بيدي اصفرار للالوان حاول تنضف السماعه بفرشة سنان ناشفه ممكن يكون فيها وساخه او تراب الفيبريشن بيعلق حتى معايا انا كمان ساعات ممكن تعمل نسخه احتياطيه عن طريق انك تحمل smart switch على الكمبيوتر وتوصل الموبايل وتعمل نسخه احتياطيه انا رضيت على حضرتك في الحجات الي اعرفها واتمنى الرد يكون فاد حضرتك
مساء الخير يا فندم مع حضرتك اميرة من سامسونج مصر بنشكرك جدا علي طرح سؤالك ونتمنى لحضرتك يوم سعيد فى البدايه بعتذر لحضرتك جدا عن المشكله اللى بتواجهك بناء على سؤالك أستأذن حضرتك فى التوجه لاقرب مركز صيانه للتمكن من فحص الجهاز ومساعده حضرتك للتعرف على أقرب مركز صيانه خاص لحضرتك من خلال الرابط التالى :
يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch http://www.samsung.com/eg/support/smartswitch/ ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
