مشاكل في الهاتف

[karam80]

التلفون بيسخن والبطارية بتخلص بسرعه و الشحن بقا بطيء جدأ a33 5g ممكن حد ينصحني اعمل اي

[Samsung Admin]

مساء الخير يا فندم مع حضرتك اميرة من سامسونج مصر
بنشكرك جدا علي طرح سؤالك
في البدايه بعتذرلك جدا علي المشكله اللي واجهتك
بناءا علي سؤالك من الواضح أن حضرتك بتستفسر عن وجود سخونه عاليه فى موبايل حضرتك 
أستأذنك فى عمل الخطوات دى علشان نقدر نحل المشكله الموجوده 
1-قم بالتاكد هل السخونه تظهر عند شحن الجهاز فقط ام عند الاستخدام بشكل عام
2-عند استخدام الجهاز لفتره طويله سوف تحس بسخونه منه يمكن تحملها
3-متاح للجهاز ام لا Software قم بالتاكد هل هناك اى تحديث
4-قم بعمل اعاده ضبط مصنع  للجهاز عن طريق الخطوات الاتيه
1- الضبط 
2-الاداره العامه 
3- اعاده الضبط 
4-اعاده تعييين بيانات المصنع 
5 -اعاده الضبط 
6-مسح الكل 
واستأذن حضرتك 
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج
 Samsung smart switch
http://www.samsung.com/eg/support/smartswitch/
5-فى حالة ارتفاع درجه حراره الجهاز بصوره غير طبيعيه و عدم القدره على لمس الجهاز عند ارتفاع درجه الحراره يجب التوجه لمركز الصيانه
ولمعرفه أقرب مركز صيانه خاص بحضرتك من خلال الرابط التالى : 
https://www.samsung.com/eg/support/service-center/
نتمنى حل المشكله عند حضرتك فى أقرب وقت ممكن و
موجودين تحت أمرك وفى خدمتك فى أى وقت 
شكرا  لحضرتك ولوقتك

[تميرك]

بتستخدم شاحن كام واط وبقي ياخد معاك وقت قد اي في الشحن

[karam80]

الشاحن الأصلي 25 وات وبياخد ساعه ونص وبيسخن حتي من استخدام التيك توك

[تميرك]

والبطارية بتقعد معاك قد اي

[GMHack]

الموضوع سهل افتحي الضبط واكتبي
deep sleeping apps
هتطلعلك صفحة افتحي منها الخيار ده وهتلاقي علامة زائد دوسي عليها واختاري كل التطبيقات ما عدا الواتس - الماسنجر - المتصفح
وكده اول اوبشن خلص
بالنسبة لتاني واحد اكتبي في الضبط
Wifi scanning
هيظهرلك ٢ اوبشن اطفيهم
بعدين اكتبي
Data saver
هتظهرلك فعليها
بعدين اكتبي
power saving
هتظهرلك دوسي عليها وشغليها واطفي الاوبشنز اللي من تحت
بعدها اكتبي
nearby scanning
هتظهرلك اطفيها
اخر حاجة اكتبي
more battery setting
واعملي الضبط زي اللي في الصورة