التحديث نوعا ما جيد جدا ومن خلال تجربتي ليه ده الي لاحظته من سلبيات ومميزات
السلبيات:
١_ التلفون بيسخن جامد اوي🔥
٢- الويدجيتس مش متنسقه بشكل جيد
٣-الكاميرا بقت جودتها وحشه بالذات في الكاميرا السيلفي📷
٤- ال now bar ساعات مش بتشتغل في شاشه القفل
٥- ميزه عدم الازعاج في الالعاب اتشالت للاسف وكمان game booster plus اتشال وده شيء سيئ لانك هتلاقي كل شويه اشعارات تيجي وانتا بتلعب
٦-وانتا بتتصفح في بعض التطبيقات ممكن يحصل crash مره واحده وتلاقيه طلعك من التطبيق
٧-البصمه بقت بطيئة في الفتح👆
٨- المجلدات هتلاقيها اختفت معاك مره واحده بس ده
بيحصل نادرا📂
٩- تسجيل الشاشه بقي بطئ جدا وبيعلق وانتا بتسجل والسلبية دي مش في صالح صناع المحتوي🎥
١٠-ايقونة البطارية بقي شكلها كبير ومزعج😵💫
المميزات:
١-سلاسه غير طبيعيه في تنقل التطبيقات واستخدامها ⚡️
٢- ميزه ال now bar الي هتوفر عليك وقت كثير اوي
٣- ال wifi calling واخيرا اشتغل وشغال زي الفل📞
٤-ال customization في تطبيق جود لوك بيديك حريه مش طبيعيه في تعديل الواجهه زي ميزه home up و lockstar
٥- ميزه ال smart select اتضافت والميزه دي بتخليك تاخد سكرين للشاشه وتعملها GIF في نفس الوقت
٦-الالعاب ادائها اتحسن بطريقه مش طبيعيه بنسبة ٤٠%🎮
٧-ال editing في صور بقي احسن وافضل وبالذات ميزه
erase image الي بتخليك تمسح اي حاجه مضيقاك في الصوره بقت احسن وافضل
٨- جوده الصوت بقت احسن في التسجيل الصوتي🎤
٩- اداء البطارية بقا ممتاز جدا والبطارية بدل ماكانت تقعد معاك ٨ ساعات هتقعد معاك ١١ ساعه (استخدام متوسط)🔋
١٠-تقدر تختار نوع الانيميشن الي انتا عايزه او تعدل علي كمان في فتح التطبيقات في تطبيق goodlock
Home up
١١ الcontrol centre اتقسم لجزئين زي الايفون جزء للاشعارات وجزء للقوائم الجهاز
١٢- الاشعارات بقي شكلها احسن
١٣- بصمه الوجه بقت سريعه جدا جدا
لو عايز رأيي استني لغايه ماينزل تحدث يونيو والمشاكل تكون اتحلت في التحديث ده
لو عايزني انزل مراجعه علي اليوتيوب واشرحلكوا كل ميزه قولولي برضو
