Highlighted
Active Level 7

image



 السلام عليكم ورحمة الله وبركاته 
 سامسونج بعتت تحديث اندرويد ١٠ بواجهة 
One UI 2.0
لهاتف A50
يوم ٨/٤/٢٠٢٠
وبعد التحديث عايز اقول لكم ان الموبايل اتغير تماما كل حاجة فيه بقيت أحسن البصمة البطاريه التنقل السريع خاصيه تسجيل 
الشاشه كل حاجه بصراحه بقت اجمل 
قبل ما نبدأ اللي معملش فورمات للجهاز فاته كتير جدا لازم تعمل فورمات للجهاز بالكامل وتستعيد الداتا فقط بدون أي اعدادات هيفرق معاك كتير هتحس ان الموبايل بقى من عالم تاني حرفيا😁😁😁😁😁😁😁
نبدأ مع الخصائص والمميزات الجديدة
 ١ -البصمة اتغيرت تماما استجابة عالية جدا وسريعة ومش بتغلط والانيميشن بتاعها شكله اختلف وبقى أحسن 

٢-شبكة الوايفاي بقى فيها ميزة جديدة
QR 
تقدر تفتحه من أي موبايل تاني يقراه ويدخل على الشبكة بدون ما تضطر تقول لحد على الباسورد بتاع شبكتك



image


image

٣-خاصية جميلة جدا وهي تغيير خلفية شاشة القفل كل أسبوعين تقريبا
من شاشة القفل ثم خدمات الخلفية ثم شاشة القفل الديناميكية
ثم تحديد الفئة



image

وديه بتخلي شكل خلفية القفل روعة وبتتغير لوحدها كل ما تقفل وتفتح
٤-تسجيل الشاشة لقد هرمنا من أجل هذه اللحظة يآ يا عبد الصمد أخيرا سامسونج استجابت ونزلتها



image

٥-ميزة تانية ممتازة وهي تخصيص زرار الباور اه والله مش لازم يقفل الجهاز طلع ممكن يعمل حاجات تانية شوفوا كده

image

٦-خاصية حلوة جدا لضعاف السمع وهي  تضخيم الصوت من سماعة الهاند فري بس يا خسارة الحلو ميكملش مش شغالة أثناء تشغيل الصوت كانت هتبقى حكاية لو شغالة وانت مندمج ومش سامع اي حاجة حواليك ديه مش هتخليك معزول عن العالم لأنها بتفتح المايك وبكده تبقى سامع اللي حواليك
من امكانية الوصول ثم التحسينات السمعية

image


٧-البطارية حرفيا بقيت عملاقة بجد ويعتمد عليها انا فصلت الشحن الصبح الساعة ٤ الفجر وروحت الشغل وزي ما أنتم شايفين مستهلك 
٢٦%
في ١٣ ساعة استخدام عادي مكالمات تصفح فيسبوك ويوتيوب طبعا علشان تستفيد من البطارية بشكل كويس لازم تفعل وضع توفير الطاقة على المتوسط
تضع التطبيقات في وضع السكون
لا تسمح لهم بالعمل في الخلفية الا بالقدر اللي انت عايزه من اي برنامج
اقفل مساعد جوجل حرفيا هو اللي بياكل البطارية على الاقل اعمله في وضع التحسين ووضعه فورا في السكون عند عدم الاستخدام وعدم تمكينه من العمل بالخلفية
راجع كل يوم تقرير البطارية من وقت الشحن علشان تراقب سلوك البطارية وايه اللي بيستنزفها
اقفل المزامنة بتستهلك جامد من البطارية
اقفل الموقع وافتحه وقت الحاجة واقفله تاتي


٨-الغاء بيكسبي هوم واستبداله بسامسونج دايلي وهو محسن كتير وفيه امكانيات هتعجبكم


image

٩-في المقاييس الحيوية الفيس انلوك تم اضافة مظهر تاني تتصور بيه وديه خاصية ممكن تفيد الستات لو هتتصور مرة بشعرها ومرة مثلا بالحجاب وهي حرفيا بقيت تفتح أسرع من الأول بمراحل


image

١٠-خاصية الايماءات بصراحة ممتاز ومباقش فيه الشريط اللي تحت اللي واكل من مساحة الشاشة 
الشاشة بقيت اكبر ومستمتع بيها كده هتاخدوا وقت علشان تتعودوا عليها بس ممتازة


image



طبعا فيه خصائص وامكانيات تانية كتير منها الرابط مع الويندوز ولازم يكون 10
ومنها خاصية وضع التركيز  
فضلا عن الكاميرا والتحسينات فيها رهيبة

أبرز العيوب حتى الأن 
مفيش اضاءة جانبية
مفيش خاصية البانر
خاصية الدرك مود من وضع المطور بتقفل البصمة حرفيا
لما بتشغل وضع الطاقة التكيفي وتشحن بيفصل وضع توفير الطاقة خالص

11 التعليقات
Active Level 1
حضرتك لو انا كنت اندرويد ٨ وحولت لى اندوريد ٩ وعيز ارجع اندوريد ٨ تانى اعمل ايه فى جهاز يامسونج g7
رد
جارٍ التحميل...
Highlighted
Active Level 7
للأسف لازم تنزله عن طريق برنامج الاودين ومنصحكش لو بتواجهك مشكلة فقط فورمات هيعالج كل المشاكل بإذن الله
رد
جارٍ التحميل...
Highlighted
Active Level 2
انت نسيت اسوأ حاجه
ان ال Popup notifications بتاعة الواتساب وقفت
رد
جارٍ التحميل...
Highlighted
Active Level 7
ممكن ترفع صورة لشكلها ، لو تقصد الفقاعة فديه شغالة عادي موقفيتش
رد
جارٍ التحميل...
Highlighted
Active Level 2
رد
جارٍ التحميل...
Highlighted
Active Level 7
فعلا موقوفة بس أكيد هيكون فيه تحديث من الواتساب
رد
جارٍ التحميل...
Highlighted
Active Level 2
للاسف عملته إمبارح للواتساب
بس مفيش حاجه اتغيرت
رد
جارٍ التحميل...
Highlighted
Active Level 3
انا تليفوني a50 و لسه منزليش اندرويد ١٠ اي السبب
رد
جارٍ التحميل...
Highlighted
Active Level 5
طب بعد ازنك ازاي اقفل مساعد جوجل
رد
جارٍ التحميل...