محمد صلاح

[ايكوبات]

عاوز اعرف التطبيقات اللي شغاله في الخلفية واعملها ايقاف في الخلفية علشان عندي استهلاك في البطارية عالي سامسونج A52

[KareemDAD]

دوس على التطبيق
معلومات التطبيق
بيانات الهاتف المحمول
ايقاف تشغيل الخلفيه
خش على كل التطبيقات واعمل كده

[RamyELGammal]

ريح نفسك وهات من الاخر
من اعدادات البطارية دخل كل التطبيقات في وضع السكون العميق
عدا تطبيقات اللي منتظر منها تتبيهات او اشعارات زي تطبيقات التواصل دول دخلهم وضع السكون فقط ومش العميق

[AmrMuhamed]

مشكلة وضعية السكون العميق ان التطبيقات بمجرد ما تدخله بتقطع مايه و نور حرفيا
هي تعتبر ميزة في حالة انك عاوز تقلل استهلاك البطارية و لكن فيه عيوب برده
زي لو حصل اي جديد او تحديث جوه التطبيق مش هتعرفه ابدا الا لما تفتحه بنفسك و خصوصا لو نزل تحديث للتطبيق
جوجل بلاي مش هيعرف حالة التطبيق الفعلية اذا كان محدث ولا لا علشان يقولك ان نزله تحديث

بمعني لو فيه تطبيق او لعبة دخلت في الوضعية دي و نزلها ابديت كبير و ضروري مش هيوصلك تنبيه ان فيه تحديث الا لو دخلت بحثت علي اسم تطبيق تطبيق مخصوص علي جوجل بلاي
ده ممكن يعمل مشكلة ان الناس تستخدم البرنامج و هو مش متحدث و لو جه تحديث طارئ و ضروري هتلاقي التطبيق مش هيفتح معاك و يقولك لازم تحدثه علشان تستخدمه و انت مكنتش عارف اصلا ان فيه تحديث و اكيد فاتحه علشان محتاج تستخدمه حالا و لكنه غير محدث 

حتي جرب بنفسك لو انت محدث كل تطبيقات الموبايل من خلال صفحة التحديثات علي جوجل بلاي و لكن حاطط من فترة كبيرة عشرات التطبيقات في السكون العميق جرب تطلعهم و افتح قائمة التحديثات في جوجل بلاي شوف هل فيه تحديثات ولا لا هتتفاجئ ان معظمهم محتاج يتحدث رغم انك قبل ما تعمل الحركة دي كان بيقولك كله تمام و متحدث 
ده علشان هو مكنش ظاهر لجوجل بلاي حالة الفعلية للتطبيقات دي داخل وضعية السكون 

[AmrMuhamed]

حل الوضع ده اننا ادخل بس التطبيقات الي بحتاجها مرة او اتنين كل شهر او شهور الي هي تطبيقات مهم تكون موجودة علي الموبايل و لكن بستخدمها كل فترة
و بعد كل فترة بخرج كل التطبيقات من السكون و احدثهم و ارجع تاني ادخلهم 
صحيح هي عملية مزعجة و لكن ده الحل علشان احافظ علي استهلاكهم من البطارية و في نفس الوقت التطبيقات تكون محدثة و جاهزة للاستخدام في اي وقت 

[RamyELGammal]

الكلام ده غلط
وبيظهرلهم التحديثات عادى

[AmrMuhamed]

لا الكلام ده صح 10000% و عن تجارب كتير جدا فوق ما تتخيل
و انت بتتكلم من غير ما تجرب او وارد تكون فهمت كلامي غلط او قرأته بسرعة بدون تركيز

اقرأ الكلام مرة تانية و لاحظ اننا بتكلم عن التطبيقات في وضعية محددة Deep Sleeping 
و جرب بنفسك و هتعرف انك حكمت حكم متسرع و المعلومة دي انت مكنتش تعرفها 

[RamyELGammal]

بص انا ماليش خلق للمقاوحه
والموضوع مش مستاهل اضيع وقت فيه
انا عارف بقول ايه ومجربه كتير من ايام
ندرويد ١٠ مرورآ ب ١١ و١٢
والموضوع له ابعاد تانيه كمان كتير

ويا ريت تبقي تريح نفسك في المستقبل من انك ترد عليا وعندك زملاء تانيين كتير 😆

[AmrMuhamed]

مين قالك اننا بدور علي مقاوحة او مهتم اصلا
هو الموضوع فعلا بسيط و مش مستاهل و لكن متجيش تقول حكم خاطئ و انت مش عارف حاجه
انت لو لسه قايم تبدأ تستخدم اندرويد من اول 10 ( مستجد يعني ) فانا بستخدمه ايام الهكسوس 
علي العموم مش هيفرق مين الاول المهم انك تتحلي بالشجاعة تعترف انك اخطأت في الحكم و كنت تجهل النقطة دي

انا دلوقتي شرحت و وضحت طبيعة الموضوع و وضحت ابعاد الوضع كاملة علشان اقدم الإفادة لكل قارئ مش لشخص محدد ده تعليق في العام مش رسالة خاصة

بس علشان كلامك انا بقولك انه صح مليار في المية و بالتجربة و ان كلامك غلط لما قولت مجربه كتير لان انت لو فهمت الكلام صح و جربته فعلا يستحيل تقول الجملة دي 
انا معنديش مشكلة اتناقش مع اي زميل او صديق و لكن مشوفتش حد جيه قال اي كلام و يقوم ماشي غيرك
انت حر تتناقش او لا و لكن متقولش غلط و انت مش عارف حاجه
و لو معندكش وقت تتكلم يبقي من الاول كنت تعدي التعليق من غير ما تقول حكم خاطئ 100%

[RamyELGammal]

😆😆
وماله حاضر