محمد شعبان

[JöĶëŔ]

معايه موبيل اي ٥٠ بقاله معايه تقريبا ٤٥ يوم

فيه كل عيوب الدنيا و بجد ندمت اني اشتريته و اتصدمت جدا ان العيوب دي موجوده في موبيل غالي زي ده و من شركة مشهورة زي سامسونج

الموبيل اولا يعتبر من غير بصمة صابع لان البصمة زي الزفت مبتتعرفش علي الصباع غير بصعوبه جدا و ساعات كتير مبتتعرفش اصلا خالص علي الصباع

دي او حاجه

تاني حاجه سينسور المكالمات مبقاش شغال بقاله حوالي ١٠ ايام يعني كده اشتغل معايه شهر واحد و علق

و تالت حاجه سينسور الاضاءه بتاعت الشاشة الي هو بيعلي و يوطي الاضاءه علي حسب الاضاءه الي حوالين الجهاز يعني لو في الشمس بيرفع الاضاءه علي اعلي حاجه و هكذا

ده معادش شغال خالص

رابع حاجه ظهر عندي نقطه سوداء في الشاشة من فوق خالص عند شبكة الخطوط النقطة دي عماله تنور و تطفي بسرعة جدا كلمت الدعم علي المشاكل دي كلها قالولي اروح التوكيل

هروح بعد يومين و اشوف اخرتها ايه مع الموبيل المقرف ده

A50  زي الزفت 😡

[MøHamēđ]

ربنا يكون في عونك طيب اتأكد انك محدث الجهاز والبرامج بتعته يمكن المشكلة في كده؟؟

[JöĶëŔ]

والله محدثه و قالولي كمان اعمل ضبط مصنع
و عملته يوم الجمعة الي فاتت

[Ah24]

يجب على شركة سامسونج تعويض كل ال اشترو A50 الفاشل ده

[JöĶëŔ]

اه والله عندك حق
بس مش a50 بس هو الي فاشل
سلسلة الA كلها فاشله
كل الي اشترو جميع موديلات الA بيشتكو منها و كل واحد بيشتكي من مشكلة غير التاني
الله المستعان

[MøHamēđ]

والله انا معايا A20 ولحد دلوقتي البصمة مش عجباني و حواف الشاشة معرضه للكسر من اقل وقعه معرفش الحواف دي ظاهره في كل سلسلة A ولا ال A 20 بس

[JöĶëŔ]

بصراحه انا مش فاهم يعني ايه معرضه للكسر

[MøHamēđ]

معرضه للكسر يعني الشاشه فيها بروز في الأربع زوايا للجهاز يعني لو وقع مش هتيجي في الاسكرينه الاول هتيجي ع الزاوية و تكسر الشاشه دي اللي ملاحظها في A20 معرفش باقي سلسلة A نفس الموضوع ولا ايه .

[salahfathy]

مشكلة النقطة السوده دي مشكلة سوفت ده اصلا سينسور المكلمات و بينور من تحت الشاشه هتروح التوكيل هيعملك سوفت هيحل المشكله دي ان شاء الله