محمد حمزة

[MohammedHamza1577]

ياريت يا جماعة .. بستأذن حضرتكم كلكم ...

الجروب ده عشان المشاكل اللى بتقابلنا فى اجهزتنا 

والإفادة بمعلومات ممكن حد ميكنش عارفها فبيستفيد

والتواصل مع خدمة العملاء ... وحل جميع مشاكلنا ..

ومعرفة ميعاد التحديثات .. ونتواصل مع بعض للأفادة. 

و .. و ... و ... 

فبلاش اى حد ينزل بوستات عن الحب والذكريات والنصايح

والغدر والفراق واشعار وضحك .ووووو ..

فى مواقع كتير ممكن تكتبوا فيها كل اللى نفسكوا تكتبوه .

ده جروب سامسونج مش فيسبوك ... وشكرآ

[Nasr66n]

راي انا كلامك خبط في وشي
ماكنت عملت ليا منشن احسن
لكن مفيش بوستات حب

[Yocef]

يااا شايفه كلام الناس العاقلين الراجل عنده حق يعنى المفروض تتعظى بقي و تبطلى بوستاتك الغريبه دى

[MohammedHamza1577]

ماشى ..موافقك .. بس فى نفس البرنامج فى جلاكسي ستورز وده احسن

[الهامى]

انا تليفونى A51 بيعمل استارت إعادة تشغيل عند فتحه او فتح اى برنامج
وبيسخن لما بيشتغل وبردو بيعمل استارت وسعات يشتغل كويس مده طويله طويله طبيعى اعمل ايه

[Amira-elnagar]

صباح الخير الهامى مع حضرتك الميرة من سامسونج مصر
 بنشكرك جدا علي طرح سؤالك ونتمنى لحضرتك يوم سعيد
يرجى عمل ضبط مصنع للجهاز عن طريق الخطوات الاتيه : 
- الضبط 
-الاداره العامه 
- اعاده الضبط 
-اعاده تعييين بيانات المصنع 
-اعاده الضبط 
-مسح الكل 
واستأذن حضرتك 
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج
 Samsung smart switch 
http://www.samsung.com/eg/support/smartswitch/
نتمنى حل المشكله عند حضرتك فى أقرب وقت ممكن
ولو عندك أى استفسار أخر
هتلاقينا موجودين تحت أمرك فى أى وقت
شكرا لحضرتك ولوقتك

[1Fady1]

ناس تعبانه يعم .. فكرينها فيس بوك