محدش عنده حل؟ / SM A13

[Geno7001]

سبب كافي مخليني عايز تلفون غير سامسونج

و السبب هو ده،مش عارف بس حاسس مزودينها شويتين على موضوع الحماية،و التحديثات اللي بتشيل مميزات كتير بدون مبرر،فـ بس...اللي عنده حل نهائي للمشكلة دي اللي مش مخلياني أعرف أنزل أي حاجة Apk،لازم حل قاطع عشان ماتنسوش ده مضيعة للنت عشان أنزل و أحذف عل الفاضي.

Samsung Galaxy A13

[TheUnκn0ωη]

اولا صديقي جوجل تراجعت عن الحماية الي كانت عملها وبدلها بقت تديك الاختيار لو تنزل البرنامج او لا لو الجهاز اتعرف عليه انه تطبيق ضار والكلام ده علي كل اجهزة الاندرويد

مشكلتك هنا مش بسبب الموضوع ده اصلا
بل اصدار البرنامج الي انت بتحاول تنزله مش متوافق مع اصدار جهازك بتبقي منتشرة اكتر لو التطبيق منزلهوش تحديث من زمن او هو برنامج متبرمج علي إصدارات اندرويد قديمة
انا معرفش ده لعبه ولا برنامج بس مش هنا الموضوع

في حل ممكن يظبط معاك
هتلاقيه هنا في الفيديو ده
https://youtube.com/shorts/sj3jQRRhTYQ?si=6WsZlxOjDjs7zWFC

انا كنت مجربه للعبه قديمه وظبط
:نصايح
Apk editorالتطبيق
ممكن جهازك يتعرف عليه علي انه برنامج خبيث بس هو مفيهوش حاجة ونزله عادي وبعد ما تخلص امسحه
الحاجة التانية لو رقم 25 مظبطش جرب 24
وبرده عرفني بنوع جهازك واخر اصدار اندرويد عندك

[Anonymous]

جوجل متراجعتش هي بس خففت القيود شوية بدون توضيح للشروط بالظبط إلى جانب أن جوجل لسه هتطبقه السنة الجاية

[TheUnκn0ωη]

مظبوط
بس سمعت ان حماية جوجل هتديك برده الاختيار انك تخاطر ويبقي الموضوع علي مسؤوليتك
الي هو كلمة
Install anyway الي بتبقي في الجنب

[Anonymous]

ده اللي اللي عاملاه حاليا ولكنك بكل بساطة ممكن تقفل الحماية دي
جوجل كانت ناوية أنها تقفل الموضوع ده خالص ولازم تمسح خدمات جوجل عشان تنزل خارج المتجر
ولكن بعد التراجع ممكن بس تطبق قيود أكتر من مجرد تحذير عشان متنزلش برنامج خبيث وانت سكران مثلا هههههه

[Geno7001]

Samsung A13,Android 14

[Geno7001]

مش شغال

[TheUnκn0ωη]

جرب تحمله من مكان تاني لو منفعش برده
دور علي برنامج تاني بيقوم بنفس الوظيفه ولو مفيش حاجة ظابطة يبقي للاسف مش هتقدر تعمل حاجة

[MeshMesho]

طيب ما تقولنا نوع جهازك طيب

[MeshMesho]

لان تطبيق موجود علي جوجل بلاي اصلا ف لو مش متفق مع جهازك يبقي العيب في المطور و ما بين جهازك لان جهاز ال معايا سامسونج والتطبيق متاح