الكابل جاي مع التليفون يو اس بي نوع سي .. وماعنديش النوع ده ف الكمبيوتر .. هل في طريقه ببرنامج اربط تليفوني بالكمبيوتر وانقل الصور و الاغاني بالواي فاي مثلا ..
معلش هو يعني ايه كابل يو اس بي نوع سي؟؟؟؟ المفروض ان المدخل اسمه يو اس بي علشان هو مدخل يو اس بي في اي كومبيوتر او لاب او تسجيل او راس الشاحن و مدخل ال سي ده اللي بيدخل في الموبايل يعني ينفع توصله بالكومبيوتر
لكن فيه طرق كتير تقدر توصل بيها الموبايل بالكومبيوتر من غير كابل زي ما الاستاذ قالك في الاجابة السابقة عن طريق خاصية Link to windows
بالنسبة لتوصيل الموبايل بالكمبيوتر أو اللاب توب.....
الموضوع بقى بسيط جدا و سهل جدا خصوصا بعد تحديث اندرويد ١٠ لأغلب الموبايلات
حاليا فيه اكتر من طريقة و كلهم اسهل من بعض بس بيعتمد على احتياجك انت .. يعني انت عاوز توصل الموبايل ليه؟؟
من الطرق دي هاتكلم عن ثلاثة طرق
الطريقة الأولى و المعروفة و المشهورة طبعا بكابل اليو اس بي بمجرد التوصيل بتبدأ نقل البيانات من و إلى الموبايل سواء صور او صوت او فيديو او اي نوع من انواع الملفات حتى اذا الموبايل مش بيدعمها يعني ممكن تنقل ملفات اوتوكاد مثلا على اساس تبعتها لحد تاني مثلا
الطريقة التانية و المستحدثة مع اندرويد ١٠ هي انك تقدر تتحكم في موبايلك تحكم كامل لان شاشة الموبايل بتكون أمامك على شاشة الكومبيوتر و الطريقة دي محتاجة ٤ حاجات أولا حساب على مايكروسوفت ثانيا يكون عندك ويندوز ١٠ على الكومبيوتر او اللاب توب ثالثا تفعل زر Link to windows
و ده موجود في الشاشة المنسدلة من الأعلى اللي فيها كتم
الصوت و تشغيل الواي فاي و البلوتوث
رابعا انك توصل الموبايل و الكومبيوتر على نفس شبكة الواي فاي
بعد الأربع شروط دي هاتلاقي شاشة الموبايل على شاشة الكومبيوتر و تقدر تتحكم في الموبايل تحكم كامل
الطريقة الثالثة بتكون عن طريق برنامج سامسونج دي إي إكس DeX
و ده برنامج بينزل على الكومبيوتر أو اللاب
تقريبا شبه برنامج سامسونج كيز Kies
القديم
و بمجرد توصيل الموبايل بالكومبيوتر عن طريق كابل اليو اس بي تقدر تتحكم في الموبايل تحكم كامل.
اسف اني طولت عليكم و يارب تكونوا استفدتوا و لو بكلمة
