ليه منزلش تحديث اندرويد ١٠ لسامسونج جالاكسي A20 لحد الان

[Redashabana]

انا تليفوني

A20

وفي الشهر اللي فات عرفت خبر عن ميعاد تحديث التليفون لاندرويد ١٠ هينزل في شهر يونيو الحالي ودلوقتي غيروا ميعاد  التحديث لشهر يوليو القادم ومش عارف ليه الاستهتار بالعملاء كدة ،

المفروض يكون فيه التزام بمواعيد التحديث عشان التحديث بيعالج عيوب موجودة بالموبايل وكمان بيضيف مميزات مش موجودة في النظام الحالي ، 

حقيقة انا مستاء كتير من شركة سامسونج بسبب عدم التزامها بمواعيد التحديثات. 

[faisal2030]

ايه المميزات ال ف اندرويد ١٠ ال انتي مستنياها اوي كدا؟
هو لا يختلف كثير عن ٩

[Redashabana]

انا اللي بيضايقني عدم الاتزام بمواعيد التحديثات بصرف النظر عا المميزات

[Hassankhalil]

هينزل شهر ٧ ان شاء الله

[Redashabana]

ياريت بس ميتاجلش تاني ل ٨ ولا هيا عشان فئة متوسطه مش بيهتموا بالعملاء

[Hassankhalil]

انا كنت زيك كده واتأجل مره ونزل قبل المعاد اللي كانوا قالوا عليه الجديد A30

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا على مشاركتك معانا

وبنتمنى لحضرتك يوم سعيد وبنعتذرلك على اى مشكله بتواجهك 

جالاكسي A20  ( تم لأطلاقه في مايو 2020)

أستأذن حضرتك فى تفعيل التحديث التلقائى وفى حاله اصدار أى تحديث للجهاز هيتم نزوله عند حضرتك 

سامسونج دايما الرائده فى ابهاركم

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك