ليه سامسونج اي ٢٥ بيسخن ع طول

[درغام٠٠]

الحل ايه

[FarisKeilani]

ده شيئ طبيعي في معالجات Exynos و برضو ليه أسباب كتير منها إستخدام الهاتف في مكان سيئ التهوية بالذات في الجو الحر

[OmarA212]

مش كلها طبعا لكن ال1280 كان على معمارية سيئة عكس الاصدارات اللي نزلت ف2024 وما بعدها

[FarisKeilani]

أغلب معالجات Exynos إن لم يكن كلها معروفة بإرتفاع درجة الحرارة بتاعتها حتى إللي في الهواتف الفلاجشيب ولو شوفت مراجعات هاتف A56 5G إللي نازل بمعالج جديد من Exynos حتلاقي فيه إرتفاع في درجة الحرارة

[Hamdiwajih]

اتفق معاك

[OmarA212]

بس مش اللي معمولة على ال(4LPP+(
ولعلمك المشكلة مكنتش فمعالجات الاكزينوس نفسها المشكلة كانت انهم ييتصنعو على معمارية سامسونج القديمة واللي اتصنع بيها برضه السناب دراجون ٨٨٨ وال٨ جين ١ وعشان كده كانت كفائتهم سيئة

[OmarA212]

معاهم الexynos 2400 وال٣ معالجات مش بيسخنو زي ما انت بتقول وتوفيرهم للطاقة مقارب للسناب دراجون ٨ جين ٢ مشكلتهم بس فالشبكة ال4G بيسخن الموبايل زيادة شوية لكن افضل بكتير من ال1380 وما سبق

[FarisKeilani]

معايا A56 5G أعلى نسخة بتاع واحد قريبي وفيه إرتفاع في درجة الحرارة ملحوظة ومعايا A25 5G هاتفي الأساسي وفيه إرتفاع في درجة الحرارة لكن طبعا درجة الحرارة في A56 أقل ولكن يبقى فيه إرتفاع في درجة الحرارة ونتمنى إنه سامسونج تحاول تقضي على مشكلة الحرارة زي معالجات سناب دراجون

[OmarA212]

لو معتبر الA56 بيسخن ف معالجات سناب دراجون وعالاقل الفئة المتوسطة مش هتبقى احسن منه

[FarisKeilani]

لو بتتكلم على السخونة لا أنا شخصيا كان معايا هاتف A23 وده هاتف فئة متوسطة نازل بمعالج Snapdragon 680 وكنت بلعب عليه ألعاب ثقيله زي ببجي وكول أوف ديوتي أدائه كان مقبول والسخونة فيه كانت أقل من A56 وحتى أقل من A25 5G وأنا بقولك تجربتي الشخصية