لدى مشكلة في التقاط شبكة الجيل الخامس جهاز M52 5g

[Salem2025]

لدي مشكلة في التقاط شبكة الجيل الخامس، حيث انني قمت بعمل جميع الإجراءات التي تقوم حل أي مشكلات قد تعيق تشغيل الخدمة، أدرك بأن الخدمة مازالت تحت التجربة لكن ما اقصده إن جهازي لما يلتقطها ولا مرة في حين الأصدقاء الجالسون معي لديهم شبكة الجيل الخامس على نفس شركة المحمول ذاتها.

قمت بتغيير الشريحة 

عملت إعادة ضبط المصنع hard format 

اعادة ضبط الشبكات كلياً

تنشيط الشرايح في أجهزة أخرى 

لم أجد سلسلة الـM ضمن الاختيارات الخارجية فقمت بالكتابة هنا، ارجوا الافادة... 

[tamim2022]

اختار من الشبكات شبكة فايف جي وباقي الشبكات يعني خلي الشبكة الأولى في الاختيار الفايف جي وتلقائيا الفون بيختار الشبكة الأقوى والأفضل .
ومعلومة ليك كل هواتف الفئات المتوسطة والمتوسطة العليا فيها ضعف في شبكات الاتصال وبالتالي ضعف في شبكات الداتا والنت.

[tamim2022]

الحاجة التانية هل اصدقائك نفس شبكة الموبايل بتاعك يعني نفس الشركة ولا شركة تانية؟؟؟
ثانيا : هل انواع هواتفهم نفس نوع الهاتف بتاعك ولا انواع مختلفة؟؟؟

[Salem2025]

نفس الشركة و موديلات اقتصادية و متوسطة و عليا من سامسونج و غيرها، أنا ذاكر كل ده في البوست

[tamim2022]

انت ذاكر انهم ع نفس الشبكة ولم تذكر انواع هواتفهم وعموما المهم اننا نحل المشكلة .

[Salem2025]

انا مختار 5g من وقت ما اعلنوا عنها و فيه أصدقاء معاهم أجهزة سامسونج أقل من المتوسط و بتلقط الجيل الخامس أنا جهازي الوحيد إللي مش بيلقط و غالبا فيه مشكلة بالموديل ده لأن نفس المشكلة قريتها لمستخدمين في الهند

[tamim2022]

لسة كنت هقولك ممكن يكون الموديل نفسه فعلا فيه مشكلة بس انت اول واحد يشتكي من القصة ديه ومعاه الفون ده في ناس كتيرة ع الجروب معاهم نفس الفون بس محدش اشتكى من القصة ديه.
طب هل تواصلت مع الشركة؟؟
وايه كان ردهم؟؟

[Salem2025]

تواصلت و محدش عنده حل لإنهم شركتين و نفس المشكلة، بس هل ممكن تسأل أي حد معاه نفس الجهاز عن هل شبكة الجيل الخامس إشتغلت معاهم ولا لأ، لأن أصلا الجهاز ده نادر مش موجود كتير

[tamim2022]

خدمة الفايف جي مشتغلتش ع كل انحاء الجمهورية وفي كل الشركات بعض المحافظات وبعض المناطق جوة المحافظات شغالة فيها الخدمة وغير مستقرة وبعضها مش شغالة خالص مثلا محافظة الجيزة ٦ اكتوبر والشيخ زايد شغالة الخدمة فيهم ولكن غير مستقرة ومش ثابتة وبتروح وبتيجي وبعض الاجهزة مش بتلقطها اصلا زي s25 plus واجهزة تانية زي ايفون ١٤ يرو برضه يعني ده مش عيب في الجهاز وممكن تعمل زي استاذ رامي ما قالك تجرب في المناطق اللي زمايلك فوناتهم بتلقط شبكة فايف جي فيها وان شاء الله هتلاقيها شغالة.

[GipsyKings79]

هل الموديل اللي معاك هو
M526b
وايه بلد السوفتوير اللي عليه ؟