لا تشتري A25 5G

[العبقري-الفذ]

السلام عليكم ورحمه الله وبركاته 

بعد شراء الموبايل دا واستعملته بقالي تقريبا ٤ شهور ف لاحظت وجود مشاكل مستفزة حبيت اشارككم بيها والنصح بيها غيري عشان يعرف قبل ما يشتري 

الموبايل دا نازل ب معالج اكزينوس 1280

والمعالج دا معروف عنه بالسخونية ومشاكل السخونية زي التهنيج المستمر في التصفح وبرامج السوشيال ميديا وغيرهم 

لكن لو انت هتلعب بالموبايل دا فامنصحكش ابدا لان الموبايل هيولع في ايدك وحيهنج جامد 

اه نسيت اقول كمان ان البطارية بتاعته بتطير بسرعة يعني مش هيكمل ابدا يوم معاك 

[alimaher335]

للأسف معايا النوع دا

[العبقري-الفذ]

ايه نظامه معاك

[alimaher335]

في حاجات مش عجباني زي الحواف الكبيرة والنوتش القديم من 2019 ومبيشغلش فيدوهات بدقة أعلى من 1080 و مبيدعمش good lock

[العبقري-الفذ]

حواف كبيرة ونوتش قديم جدا ومخلي شكل الشاشة وحش يكرهك في شكل الشاشة والله والموبايل

[alimaher335]

دا اكيد A35 احسن منه في الحواف وشكل الشاشة مع ان الحواف كبيرة برضو بس مقبولة

[FaresMohamedKelany]

معايا سامسونج A25 5G نسخة 8 رام و 256 جيجا و مفيش الكلام ده لو قاعد في مكان فيه تهوية ممتازة زي مروحة أو تكيف مفيش أي سخونة لاكن لو بتستخدمه في مكان مفهوش تهوية أكيد حيسخن و لو كنت بتستخدمه تحت الشمس و الموبايل ولع في إيدك مش بيهنج و مفيش أي تهنيج بالعكس المعالج كويس جدا و بيديك أداء كويس جدا في الألعاب زي فري فاير بيشغلها علي أعلي جرافيك و كول أوف ديوتي بيشغلها علي 60 فريم و ببجي بيشغلها علي 30 فريم بس المفروض يشغلها علي 60 فريم لاكن شركة ببجي مش بتدعم معالجات سامسونج و نفس المعالج موجود في هواتف سامسونج A33 و A53 و M34 و البطارية بتقعد حوالي 6 ساعات لو إستخدام متواصل سوشيال ميديا و يوتيوب و واتساب و ده وقت ممتاز جدا و بعدين ناس كتير إشترت سامسونج A25 5G و محدش إشتكي من ظهور عيب أو مشكلة و يعتبر أفضل هاتف في فئته السعرية

[Abdo-Karam]

اعتقد البطاريه لاني اشتريت قبلوا ال A23 البطاريه كات تزيد عن ٩ سعات متواصل ❤❤

[FaresMohamedKelany]

أنا كمان كان معايا سامسونج A23 نسخة 6 رام و 128 جيجا و شيئ طبيعي لأن معالج سامسونج A23 Snapdragon 680 و المعالج ده موفر في طاقة أكتر من معالج سامسونج A25 5G Exynos 1280 ده غير إن شاشة A23 مش سوبر أموليد يعني مش بتستهلك كتير من البطارية زي A25 5G و كمان سماعة سامسونج A23 Mono مش Stereo زي A25 5G و الحاجات دي بتستهلك من البطارية طبعا

[Tarek_Shamia]

كل الاجهزه التى تحتوى على بروسسر سامسونج بتسخن وبتستهلك بطاريه
عندى A33 و A24
فرق كبير فى استهلاك البطاريه بين الاثنين