قرف البطارية

[smow22]

عندي مشكلة جديدة في البطارية 

وهو ان المؤشر مش مضبوط فيها الفون يكون ١٠ في الماية وفجاة يفصل .

انهارده شحنت الفون لحاد ٨٠ في الماية فضل من ساعة ما شحنته الظهر لحاد المغرب ظاهرلي ٨٠ في الماية مع اني كنت فاتح باقة والعاب وكدا .

عملت ريستارت للفون لاقيت البطارية جيالي ٨٩ في الماية وانا المفروض اني شحنه لحد ٨٠ البطارية بتخرف كدا ومش عارفلها حل .

وسالت خدمة العملاء قالولي توجه لاقرب فرع صيانة 

اتمني حل للمشكلة دي 

[Samah-Ahmed]

مساء الخير يا فندم مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك

بناءا على سؤالك من الموضح أن حضرتك بتواجه مشكله فى البطاريه 

أستأذن حضرتك فى اتباع الخطوات دى :

1.قم بتعديل درجة سطوع الشاشه

2-كل ما كانت الشبكه ضعيفه كل ما كان التليفون بيبذل جهد وبيقوى الشبكه فبالتالى بيسحب من البطاريه 

3-قم باغلاق التطبيقات المفتوحه 

4-قم بالتأكد من عدم وجود أى مشكله فى البطاريه الخاصه بالجهاز أو زر التشغيل 

6-استخدام الشاحن الاصلى بالجهاز 

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

[a12laa]

لو سمحتي عندي مشكله فى التاتش بيعلق ورفعت الاسكرينه من عليه وبقفل الموبايل باستمرار وبرضه نفس المشكله
ولو في رسالة واردة او معرفه الدقائق بعد انتهاء المكالمة الشاشه بتفضل شغاله ياريت حل
نوع الموبايل A21s

[hamooo123]

نفس المشكله عندي

[Samah-Ahmed]

فى حاله استمرار وجود هذه المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك

[WaleedAmmar]

أعمل معايرة للبطارية بمعنى إستخدم الفون لغاية ما يفصل شحن وبعدين إضغط على الباور لغاية ما يشتغل تاني ويفصل منك ويعدين اشحنه وهو مقفول لغاية ١٠٠ وإن شاء الله هيظبط معاك

[smow22]

ان شاء الله . شكرا

[WaleedAmmar]

العفو

[Anonymous]

حاول تستخدم زجاجة برفان برشه على سوكت الشاحن وليس سوكت الهاتف وبعد كده دخل سوكت الشاحن فى الهاتف كذا مره للتنضيف

[MR_HUSSIEN]

البطارية باظت اشترى واحدة تانيه من التوكيل