عندي مشكلة ان ال A15 4G انه بيعمل Restart لوحده

[Youssef-Mohamed]

انا كذا مرة كنت ببقا قاعد وسايب الموبايل جمبي وبلاقيه بيعمل Restart لوحده بدون اي سبب وبعدين لما بفتح الجهاز بالبصمة بعد ال Restart يقولي Write the Password after Restart 

وكمان اوقات بلاقي ال Touch بيقف يا دوب بيشتغل تحت خالص ف منطقة الخروج من التطبيقات و فوق خالص

ف ياريت حد يفهمني المشكلة فين لو سمحتم

[thestriker7680]

ابحث عن إعادة التشغيل التلقائي في الإعدادات واقفل دول اللي في الصورة
أنه يطلب منك الباسورد بعد إعادة التشغيل مش البصمة دي حاجة عادية كنوع من الحماية

شوف لو في اي حاجة انت عملتها مؤخرا حاسس انها تكون السبب غير الإعدادات دي
لاحظ لو في أي علامات تانية زي أن الموبايل بيسخن أو الشحن بطيء أو أداءه ابطأ من المعتاد...

أما بالنسبة للتاتش فشكل أن ال launcher
بتاع سامسونج بيعلق عندك وده ممكن يكون سبب لانه يعمل
restart لوحده
ولكني مش متأكد

[YoussefHazem]

بص يا نجم، اللي بيحصل معاك ده غالبًا من حاجة من 3:

1. تطبيق عامل مصيبة ف الخلفية ممكن يكون في تطبيق نازل من برّه المتجر أو حتى من المتجر نفسه، بيبوّظ النظام ويخلي الجهاز يعمل Restart من نفسه. جرّب تدخل Safe Mode (اضغط على زرار الباور، وبعدها دوس مطوّل على "Power Off" لحد ما يطلع Safe Mode)، وسيب الموبايل شوية وشوف هل هيقف تاني ولا لأ. لو اشتغل تمام، يبقى العيب من تطبيق خارجي، امسح اللي مش واثق فيه.

2. نظام التشغيل اتلخبط بعد التحديث لو حصل تحديث قريب، وارد يبقى فيه Bug بيسبب Restart تلقائي. اعمل Wipe Cache Partition من وضع الريكفري، ده بيشيل الملفات المؤقتة اللي ممكن تكون السبب.

3. البطارية أو البور في بعض الحالات بيكون العيب من البطارية نفسها أو من السوفتوير بتاع البور، خصوصًا لو الجهاز بيعمل Restart بدون حرارة أو حمل عليه. ساعتها الحل الوحيد يكون تروح الضمان يشوفوا لو في عيب في الهاردوير.

أما بخصوص موضوع البصمة بعد الريستارت ده طبيعي، مفيش بصمة بتشتغل بعد Restart مباشر لأسباب أمان، فلازم تكتب الباسورد الأول، وبعدها البصمة تشتغل تاني.

أما التاتش اللي بيهنّج تحت ده معناه إن في مشكلة في طبقة الـ Touch تحديدًا في الجزء السفلي، ممكن تكون من السوفتوير أو الشاشة نفسها. جرّب تعمل اختبار من الكود ده:

*#0*#

واختبر التاتش، لو الجزء اللي تحت مش بيستجيب كويس، يبقى المشكلة هاردوير وتروح الضمان فورًا.

لو كل اللي فوق مفادكش، يبقى تعمل نسخة احتياطية وتضرب الجهاز ضبط مصنع، بس متعملهاش إلا وانت متأكد إن كل الحلول التانية فشلت. وإن شاء الله هتنجح معاك