عدم عرض التاريخ والوقت على صور الكاميرا a52

[omar-abulwafa]

مفيش في الكاميرا إمكانية لوضع التاريخ بعد التصوير و التاريخ موجود في التفاصيل لكن انا عاوزه على الصورة

[Moamen2435]

سؤال تاني بعيد عن سؤالك
البطارية بتفضل معاك قد ايه ؟

[Haze1]

يومين معايا استخدام عادي

[Amira-elnagar]

صباح الخير يا فندم مع حضرتك اميرة من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك

بناءا على سؤالك من الموضح أن حضرتك بتواجه مشكله فى البطاريه 

أستأذن حضرتك فى اتباع الخطوات دى :

1.قم بتعديل درجة سطوع الشاشه

2-كل ما كانت الشبكه ضعيفه كل ما كان التليفون بيبذل جهد وبيقوى الشبكه فبالتالى بيسحب من البطاريه 

3-قم باغلاق التطبيقات المفتوحه 

4-قم بالتأكد من عدم وجود أى مشكله فى البطاريه الخاصه بالجهاز أو زر التشغيل 

5 -استخدام الشاحن الاصلى بالجهاز 

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

[omar-abulwafa]

استخدام عادي ١٢ ساعة
لأنها تقريبا بتسرق

[Moamen2435]

برنامج Samsung health بيفتح معاك ؟

[Amira-elnagar]

صباح الخير يا فندم مع حضرتك اميرة من سامسونج مصر

بنشكرك جدا علي طرح سؤالك ونتمنى لحضرتك يوم سعيد

بناء على سؤال حضرتك 

بنعتذر لحضرتك جدا الجهاز لا يدعم هذه الخاصيه

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[omar-abulwafa]

الخاصية دي جميلة وكانت موجودة في موبايلي القديم اللي كنت شاريه من ٦ سنين وكان لما بشغل الموقع كان ممكن من الصورة أظهر الموقع على جوجل ماب أما في a52 الموقع موجود في تفاصيل الصورة لكن لا عارف أنسخه ولا عارف أفتحي في جوجل ماب والحاجتين اللي تم ذكرهم أساسيين بالنسبة ليه واتضايقت جدا لما جبت موبايل جديد على اساس انه هيكون فيه الحاجات دي وزيادة
فأتمنى يكون للكاميرا تحديث فيهم الخاصيتين اللي عرضتهم

[omar-abulwafa]

وشكرا لذوق حضرتك