Original topic:

عدم المصداقية

(Topic created on: 08-20-2023 11:52 AM)
KarimGawish1
Beginner Level 4
Options
جالاكسى A

للأسف أنا عندي تجربة سيئة للغاية مع شركة سامسونج للهواتف 16580 ذهبت لإصلاح الجهاز بتاعي A71 مشكلته إنه كان لا يشحن والجهاز خارج الضمان ذهب به إلى مركز صيانة سامسونج 143 شارع جمال عبد الناصر بالاسكندرية وأكدلي إنه يحتاج إلى تغيير سوكيت الشحن وتم فحص الجهاز قبل أن يستلمه مني وتكلفة سوكيت الشحن 500 جنيه وتم دفعهم مقدما وعندما ذهبت لإستلم الموبايل فوجئت إنه مسلملي الجهاز على وضعية Power Saving وهذه الوضعية تجعل خلفية الشاشة سوداء قمت بتوقيف هذه الوضعية بعد أن أدخلت ال Sim Card فوجئت بأن الجهاز به بقعة سوداء في الشاشة وعندما تحدثت إلى الموظقف قاللي أنا مسلمك الجهاز سليم فرضيت عليه وقولتله أنا لسة ممشتش من المركز والجهاز زي ما انت شايف أنا مسلمهولك كده ؟ فرد قاللي لأ قولتله هل إنت شايف أي صدمات في الجهاز فرد بالنفي أيضا فقال لي عموما أنا حرفعلك شكوى بالشركة ورفض إستلام الجهاز مرة أخرى بعد أن إستلم الإيصال فكلمت شركة سامسونج على الرقم 16580 وأرسلت لهم أكثر من إيميل وكانت الصدمة إن الموظف لم يقم بعمل شكوى وكان رد الشركة بإني أسلم الجهاز للفرع مرة أخرى للفحص كيف يقوم الفرع إللي بوظلي الشاشة بالفحص وكان ردهم أصل الجهاز كان فيه سائل وده هو الذي جعل الشاشة يظهر بها بقعة سوداء وحتتكلف 2900 جنيه إذاي السائل يجعل الشاشة تعمل تحبير الاصدمات فقط أو الضغط المطول هو إللي بيعمل كده زي ما هم كتبين على صفحتهم بأن البقعة السوداء بالشاشة سببها صدمة في الشاشة أو الضغط مطولا لفترة طويلة من كثرة ما ذهقت ذهبت لهم لاستلم الجهاز وقولت عوضي على الله ولكن اتفاجئت بأن البقعة اسوداء زادت إلى أن تصبح بربع الشاشة وأيضا تسليمه ليا على وضعية ال Power Saving بخلفية سوداء فرضت إستلام الجهاز وكان الرد من قسم الشكاوى لديهم إني خارج الضمان قولتلهم أنا عارف إني خارج الضمان أومال بادفع فلوس ليه أنا يهمني إن جهاز يرجعلي بالحالة التي كان عليها قالولي أصل الجهاز كان فيه سائل قولتلهم السائل ميخليش الشاشة بها بقعة سوداء واستشهد بالصفحة الخاصة بهم وحتى وقتنا هذا من يوم 25 يوليو 2023 إلى اليوم لم يتم الحل وفي الآخر أستاذة ريهام من  قسم الشكاوي بتقولي إنه سوء إستخدام

. للأسف شركة سامسونج أصبحت من أسوء الشركات في مصر

3 Comments
MoFahmy
Active Level 6
جالاكسى A
مستني ايه عشان تكلم حماية المستهلك ، تقدر ترفع نفس البوست دا علي تويتر واعمل الحليين دول مع بعض ومنشنهم ومنشن سامسونج العالميه مع سامسونج مصر في التويته
MustafaRtx
Active Level 3
جالاكسى A
إللي عمله ده دليل على إنه فعلا الشاشة فيها حاجة مش منك!!!
يعني الطبيعي الموبايل يجيلك عادي
دي خاصية أصلا بتفعلها بنفسك من إعدادات power saving
اكيد في حاجة حصلت منهم في الشاشة وعشان يشيلوها من عليهم حطوا الوضع ده عشان بيخلي الشاشة كلها اسود
0 Likes
Samsung Admin
Community Manager
Options
جالاكسى A

KarimGawish1

مساء الخير يا فندم مع مهاد من سامسونج مصر

بنشكرك جدا على طرح سؤالك وبنتمنى لحضرتك يوم سعيد

بناءا على سؤالك

برجاء توضيح رقم الطلب حتى نتمكن من كامل الدعم و المساعدة

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك  

 

0 Likes