السلام عليكم
اولا ياجماعه انا هنا بعرض مساعده عليكم مش اكتر ولكن اللى خايف يجرب ياريت ما يجربش علشان انا مش مسؤل عن حاجه
للعلم الموضوع مش صعب خالص وماياخدش ربع ساعه
ثانيا للناس اللى حابة تفهم احنا هانعمل ايه .... احنا من الاخر هانحول نفسنا من دولة مصر لدولة تانية وهى اندونسيا واشمعنا الدولة دى هاقولك هى اللى حملتها مش اكتر
ثالثا الطريقه هاتبقى ازاى اول حاجه هانحمل ملف الدولة اللى انا هارفعو ليكم هنا
ثم
هانحمل برنامج الاودين الخاص بسامسونج
ثم
خد نسخه احتياطيه من الملفات تاكيدا لو حصل مشكله فى السوفت مش اكتر
ثم
هاتطفى التليفون وبعد كده
تضغط على زرار الباور ثم تشيل ايدك من الباور ثم تضغط على
تعليه الصوت + توطيه الصوت مع بعض
ثم تضغط على تعليه الصوت مرة
ثم
هايفتح معاك شاشه خضرا مكتوب فيها download mode
ثم
هاتوصل التليفون
ثم
تفتح برنامج الاودين وتختار اختيار CSC
ثم تعلم على ملف الدولة اللى حملناه
وتتاكد بعد توصيل الهاتف ان التليفون متعرف ومكتوب فى البرنامج COM4 رقم اربعه ممكن يختلف من شخص للتانى ده رقم البورت اللى متوصل فيه التليفون
ثم تضغط على كلمه Start
بعد كده التليفون هايعمل ريستارت ويشتغل ومبروك عليك هاتلاقى التحديث وصل
تحميل الملف من هنا على ميديا فاير
شوية معلومات بقا
الملف مش هايمسح الداتا ولا البرامج ولا اى حاجه
الملف مش هايغير حاجه فى شبكات المحمول الاربعه
الملف مش هايخليك تفقد حمايه سامسونج لان الملف رسمى
الملف مرفق معاه فيديو بياكد على وصول التحديث وعدم الفورمات وكل ده على سوف وير مصر
اللى عايز كما يتاكد من طريقة تفليش الملف يقدر يتاكد من الطريقة من خلال موقع سامسونج الرسمى من هنا
