حابب اتكلم عن تجربه مع مركز صيانه سامسونج المعتمد عشان محدش يقع ف المشكله دي ، كان عندي مشكله فى التليفون انه بيعلق فى الشحن مره اه ومره لا وعشان يشحن كنت مضطر اني اضغط على ظهر التليفون ، روحت فرع سامسونج فى بني سويف قالى ممكن نغير دايرة شحن او فلاته شحن ودي بكذا ودي بكذا قلتله تمام ، يكلمني الفرع بعدها بيوم ان التليفون محتاج بورده كامله ب ٩٩٠٠ جنيه يا فندم ازاي بورده والتليفون كله شغال مفيهوش اي مشكله غير ان الشاحن بيعلق ، يتقالى تاني هو بورده واكيد انا مش هدفع ١٠٠٠٠ جنيه فى بورده لا ده انا اشتري تليفون جديد ، روحت مركز صيانه بره اتقالى ملهاش علاقه نهائى بالبورده فتح الجهاز قدامي ووراني المشكله فين كانت فى كونكتر بين البورده الى فوق والى تحت قالى ممكن نغيرها وهتبقي الاصليه ب ٣٥٠ جنيه قولتله توكل على الله قالى لا نحافظ على الى موجوده وشغال برضو انا هاخد زي bridge لطرف الشحن من فوق وتحت وده الى حصل وب ١٠٠ جنيه بس
الخلاصه مراكز سامسونج للصيانه المعتمده هي كده مش معتمده هي كده بتنصب على المستخدم لان طول ما انا قاعد فى المركز هناك كل حد يدخله يقوله تغير بورده فخلو بالكم
