سامسونج a35 مساحه

[miraa35]

معايا سامسونج a35 مساحه ١٢٨ كل ما بفضي ف المساحه و امسح حاجات كتير و يفضل ١٠ جيجا فاضيين مبيعديش وقت بلاقيها اتملت تاني مع اني مبنزلش حاجه ولا بصور حاجه بتفضل زي م هي اتفاجئ انه اتملت و الجهاز يعلق ؟ حد بيحصل معاه كده؟ و فيه حل للمشكله دي ولا ايه ؟؟

[RamyELGammal]

فى الغالب التطبيقات اللى عنديك بتعمل كاش كتير ( ملفات مؤقته يعنى )
نزلى تطبيق من اللى بينظف الملفات دى اول بأول
او انتى كل اسبوع اعمليه يدوى ادخلى على الضبط ثم التطبيقات ثم تطبيق تطبيق والدخول على مساحة التخذين ومسح الكاش
فى تطبيقات معينه هتعرفيها مع الوقت انها بتعمل كاش كتير زى مثلآ سامسونح انترنت جالاكسى ستور المعرض الفيس الكروم ودول اللى تركزى اكتر فى مسحهم كل فترة قصيره

[miraa35]

معقول ف كام ساعه؟؟

[RamyELGammal]

لا طبعآ مش فى كام ساعه ولا يوم كامل حتى
طيب فضي بحيث يكون فى 10 جيجا فاضيين زى ما بتقولى وخدى سكرين شوت من تحليل مساحة التخذين اللى فى العناية بالجهاز
سكرين كامل لمقارنتها بعد ما تتملى تانى عشان تعرفى الزيادة فى انهى جزء

[miraa35]

اجيبها منين

[RamyELGammal]

الضبط ثم العناية بالجهاذ تانى اختيار التخذين واكشفى كل المعروض
شبه كده

[miraa35]

بعمل كده علطول و مبيطلعش فروق
هي هي نفس الارقام

[RamyELGammal]

امال ليه بتقولى انه بيرجع يتملى تانى مدام بتكون وبتفضل نفس الارقام !!!

[miraa35]

هو فعلا بيتملي و بيبقى فاضي مثلا ١٠ جيجا بعدها يجي لي نوتيفيكشن افضي مساحه بدخل ابص مبلاقيش غير ٢ جيجا اللي فاضيين مع اني مبكونش نزلت حاجه حتى

[RamyELGammal]

ولما بتلاقى فاضل 2 بدل 10 جيجا بتكون نفس ارقام تحليل مساحة التخذين ، لا يمكن ولازم يكون فيهم رقم او رقمين زادوا
حاولى تعرفى ايه اللى بيزيد دول كده 8 جيجا وده مش قليل ولازم هيظهر فرق فى التحليل