سامسونج a26

[MARO18]

من ساعت ما جبت الموبايل وانا واجهتني مشكلة رخمه اوي وهي ان التطبيقات الي في الخلفية بتقفل بسرعه بطريقة مش طبيعيه! يعني مثلا انا بحب العب بيس مثلا وانا بلعب سعات بطلع من اللعبه بالغلط لمدة ثانيه حرفيا وارجع الاقيها قفلت!! يعني الثانيه الي طلعت فيها بالغلط قفلت فيها اللعبه؟؟ الموبايل فيه 6 جيجا رام يعني معتقدش ان المفروض تقفل بالسرعه دي وانا كان معايا موبايل galaxy m51 قبل ده و6 جيجا رام برضو والتطبيقات كنت بسيبها في الخلفية لساعات وارجعلها والاقيها لسه مفتوحه ومقفلتش، ياريت لو حد عنده حل للمشكلة دي يقولي علشان الموضوع رخم بطريقة مش طبيعيه الموبايل عاجبني جدا بس الحركه دي مخلياني بتدايق في الاستخدام اليومي

[Anonymous]

اتأكد انك قافل خيارات المطور
اتأكد ان مفيش برنامج في النوم العميق

[MARO18]

مفيش برامج في النوم العميق والمشكلة كانت موجوده وانا فاتح الخيارات و وانا قافلها نفس الكلام

[Anonymous]

روح لحول اللعبة بعد كده للبطارية وخليها غير مقيد unrestricted

[MARO18]

عملت كده ونفس الكلام 😅
بص الموبايل لسه جديد مكملش معايا شهر وانا صاحبي كان جايب a35 وقعد معاه فترة يعمل الحركة دي بس بعد شهور من الاستخدام تقريبا المشكلة معدتش بتجيله

[Anonymous]

يمكن تحديث نزله هو اللي حل المشكلة لأن المشكلة مش في الرام ولكن غالبا النظام هو اللي بيقفل التطبيقات بشكل أسرع من اللازم وأعتقد ان سامسونج بتعمل كده في الأجهزة الاقتصادية عشان تحافظ على الأداء لأن المعالج مش بيكون قوي

[quarter2025]

حد عنده مشكلة سخونه الجهاز وازاي اتغلب عليهآ A26

[Adelanwar]

انا الجهاز عندى بيسخن مع الاستخدام الطويل