Original topic:

سامسونج a22

(Topic created on: 09-13-2022 01:48 AM)
محمدشعبان
Active Level 5
Options
جالاكسى A
لو سمحتم اي فايده الرام بلس في الجهاز واستخدمها ازاي 
0 Likes
8 Comments
جالاكسى A
الرام بلس دا فايدتة انك ممكن تزود الرامات بتعتك في حالة ان الجهاز بدء يهنج معاك من كتر البرامج
0 Likes
جالاكسى A
الاستعمال هتدخل علي مدير الجهاز بعدها الرامات هتلاقي حيار الرام بلص فيه اختار عايز تزود قد ايه
0 Likes
جالاكسى A
👍Screenshot_20220913-015709_Device care.jpgScreenshot_20220913-015711_Device care.jpgScreenshot_20220913-015706_Device care.jpg
جالاكسى A
الجهاز عندى رام ٤ جيجا
+الرام بلس ٢
موجود ٤
و
٢
بس
اختار اي رام فيهم
0 Likes
جالاكسى A
دبScreenshot_٢٠٢٢٠٩١٣-٠١٤٢٤٠_Device care_4955_1663026160.jpg
0 Likes
AmrMuhamed
Active Level 6
جالاكسى A

في السطور القادمة هحاول اشرحلك فكرة ميزة RAM Plus
بحيث انك تحدد بنفسك الرقم الأفضل ليك بناءا علي إستخدامك و إحتياجاتك و الشرح هيكون مبسط و سهل


اي موبايل بيستخدم الرامات لمهمة أساسية و هي إستقبال الملفات المطلوب تشغيلها من ذاكرة التخزين الداخلية و تخزين الملفات بشكل مؤقت علي الرامات ( الرام اسرع من الذاكرة الداخلية ) مما يسهل وصول المعالج للملفات المطلوبة بشكل اسرع لان سرعة الرام عالية جدا و كمان لانها اقرب للمعالج و بالتالي اسرع مقارنة بالذاكرة الداخلية 

طب لو الرام بقت مليانة ؟ النظام بشكل تلقائي قبل امتلائه بيقوم بتفريغ مساحة من الرام عن طريق إيقاف عمليات القديمة و غير المستخدمة علي الموبايل
زي مثلا لو فتحت 15 تطبيق و كانت كافية لإمتلاء الرام هيقوم النظام بوقف عمليات اقل تطبيق استخداما
(تحديد انه عملية يتم إيقافها فيها تفاصيل كتير بس عموما النظام بيقوم بالدور ده تلقائيا)


طب ايه الحل لو انت مش عاوز التطبيقات تقف و تفضل شغالة لانك محتاجها في الحالة دي هتحتاج تستخدم ميزة رام بلس
و هي عبارة عن زيادة لمساحة الرام بشكل إفتراضي عن طريق حجز جزء من مساحة ذاكرة التخزين الداخلية و تخصيصها لعمليات الرام 

لو اخترت مثلا 4 جيجا في الرام بلس و انت موبايلك عليه مثلا 6 جيجا رام حقيقية هيكون عندك مقدرة انك تشغل عمليات و وظائف اكتر و الرام تقدر تستوعب لحد 10 جيجا مساحة إجمالية ( 6 جيجا رام فعلي و 4 جيجا رام افتراضية محجوزة من المساحة الداخلية ) و بالتالي هي ميزة كويسة خصوصا للناس الي بتستخدم الموبايل بشكل مكثف و بتشغل برامج كتير في الخلفية بدون إغلاقها
و انا شخصيا استخدمها اكثر في ميزة Samsung Dex
لان مع زيادة مساحة الرام اقدر اشغل برامج اكتر علي سطح المكتب من خلال Dex

( Dex بإختصار هي انك تقدر تستخدم الموبايل من خلال شاشة كبيرة بدل من شاشة الموبايل كأنك بتستخدم كمبيوتر )


لكن فيه بعض الملحوظات يجب وضعها في الإعتبار:

1- بما ان رام بلس بتحجز من مساحة التخزين الداخلية فهي بتستخدم مساحة إضافية سرعتها اقل من سرعة الرام الحقيقية يعني في المثال المذكور سابقا لو فيه عملية بتشتغل علي الـ 6 جيجا رام الفعلية هتبقي شغالة بالسرعة الطبيعية و لكن لو كترت في العمليات و استخدمت الـ 4 جيجا الإفتراضية للرام هتلاقي اختلاف في كفاءة و سرعة تشغيل التطبيق 

( اختلاف السرعة هيظهر فقط  في حالة انك فتحت برامج كتير لدرجة ان الرامات الفعلية اتملت لأن الأولوية للرام الفعلية و بدأت تستخدم مساحة الذاكرة الداخلية الي انت خصصتها لرام بلس )

2- انت بتحجز مساحة من الذاكرة الداخلية و بالتالي لو انت موبايلك مليان ملفات و المساحة الفارغة قليلة يفضل انك تختار اقل رقم في رام بلس لان موبايلك مليان و محتاج تحافظ علي مساحة الموبايل
 
ملحوظة عامة :
ميزة 
رام بلس اتحدثت و تمت إتاحة القدرة علي التحكم في الميزة من اول إصدار OneUI 4.1
لو بتستخدم الإصدار ده من واجهة سامسونج هتقدر تحدد المساحة المحجوزة لرام بلس سواء 4 جيجا او 2 جيجا ولا يمكن إيقاف الميزة تماما بشكل رسمي في اندرويد 12
(في حالة انك استخدمت موبايل اخر ممكن تلاقي خيارات اكثر من 4 جيجا زي مثلا الموبايلات الرائدة متاح من اول 8 جيجا لحد 2 جيجا)

ايضا متوقع مع تحديث اندرويد 13 انك تقدر تقفل الميزة تماما و لا تحجز حاجه من المساحة لو حابب


اتمني اكون قدرت اساعدك و لو قليلا

جالاكسى A
احسنت
Amira-elnagar
Moderator
Moderator
Options
جالاكسى A

محمدشعبان

مساء الخير يا فندم مع اميرة من سامسونج مصر


بنشكرك جدا على طرح سؤالك وبنتمنى لحضرتك يوم سعيد


بناءا على سؤالك


بالنسبة


 على سؤالك خاصية Ram plus
التي تنظيف الذاكرة  الي جهازك تصل الي4GBمن الذاكرة  التخزين تضاف للذاكرة العشوائية  (الرامات)هذة الميزة متوفرة لبعض الموديلات  أستأذن حضرتك فى 


و بيتم تفعيلها تلقائيا 


ولو عند حضرتك أى استفسار أخر


موجودين تحت أمر حضرتك وفى خدمتك فى أى وقت


شكرا لحضرتك ولوقتك