سامسونج A70

[ElDodo]

النجدة 😭😭 ، بعد آخر تحديث أمنى فى شهر يوليو   موبايلى بقى يسخن لوحده بدون استخدام ويفضى بطاريته تلقائلى بدون اى استخدام ، ايه السبب وايه العلاج حرام دا بقاله سنه 😑

كمان أثناء الشحن اوقات يثبت على رقم معين بالساعة..

[elhawary]

هتجربي فورمات
لو مجابش نتيجه يبقى صيانه لانه ممكن يحتاج اما بطارية أو تصليح دايرة شحن

[Fatma313]

يعنى ايه الكلام ده؟! يبقى بلاش نحدث الجهاز احسن

[elhawary]

المشكله مش في التحديث ودا انا واثق منه بنسبة ٩٩% المشكله الحقيقية في طريقة الاستعمال

[ElDodo]

لا طبعا ...طريقة استعمالى للجهاز واحدة من يوم ما اشتريته ، حتى مافيش العاب ، ومن وقت ما اشتريته وانا بشحنه من ٢٠ : ٨٠ ...

[Zizo3tia]

مشكلة التحديث ودي عند الكل، العيب مش م الجهاز ولا من طريقة استخدامك

[ahmedcapo1010]

العيب من التحديث ... سامسونج عايزه تبوظ الجهاز... انا معايا a70 وكل ميجي تحديث. بيخلي الموبيل فيه عيوب في البطارية والسخونه والشحن بيبقا بطيئ .... انا قربت اخبط الموبيل ف الحيط

[ElDodo]

اه والله حاجة تقرف

[ABDO7ghost]

انا لاحظت كده فعلا كانت البطارية بتنزل ٤٠% في ساعة واحدة استعمال متوسط
نزلت احدث سوفت للجهاز وفلشته عن طريق الاودين والفرق بقي ملحوظ في استهلاك البطارية

[maklad0]

معلش سوال بس لما بتسيبي الموبيل علي الشحن بيقف علي عند رقم معين من الشحن ومش بيكمل 100%